Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №6 от 18.03.2016 AN’ANALAR DAVOM ETADI

AN’ANALAR DAVOM ETADI

Tarmoqlar va podstansiyalar sexi Shimoliy kon boshqarmasining asosiy bo‘linmalaridan biridir. Jamoa kon boshqarmasi korxonalari, shuningdek, Uchquduq shahri va uning atrofida istiqomat qilayotgan aholi xonadonlarini elektr energiyasi bilan ta’minlashdek mas’uliyatli ishni bajarishga safarbar etilgan.


Vazifalar ko‘lamining nechog‘lik kengligiga qaramasdan nurchilar buni muvaffaqiyatli uddalab kelishayapti. Korxona uchastkalarida asbob-uskunalardan oqilona foydalanilib, hudud energiya ta’minotida uzilishlarga yo‘l qo‘yilmayapti. Bajarayotgan ish hajmi va ahamiyati jihatdan energetika sohasidagi eng zamonaviy bo‘linma sirasiga kiradigan mazkur sexda ko‘plab malakali mutaxassislar mehnat qilayotganligi tufayli Navoiy kon-metallurgiya kombinati ma’muriyati tomonidan belgilab berilgan rejalar sharaf bilan bajarilmoqda. Bu, o‘z-o‘zidan qo‘lga kiritilayotgani yo‘q, albatta. Sex uchastkalariga yangi texnika vositalari va asbob-uskunalarini joriy etish, kadrlarni tarbiyalash, malakasini oshirish, ishchi-xizmatchilar, muhandis-texnik xodimlarga har tomonlama qulay ish sharoitlarini yaratish yutuqlarning asosiy omili bo‘lmoqda. Ayniqsa, mustaqillik yillarida sexning moddiy-texnika bazasini mustahkamlash borasida katta ishlar amalga oshirildi. «Ko‘kpatas» koni sorbsiya majmuasi va geotexnologik konning «Moylisoy» uchastkalarida yangi, zamonaviy bosh pasaytirgich nimstansiyalari foydalanishga topshirildi. 3-gidrometallurgiya zavodida 2- bosh pasaytirgich nimstansiyasi, ikkinchi, beshinchi taqsimlagich punkti, Markaziy taqsimlagich punkti, Beshbuloq suv quvurida yigirmanchi bosh pasaytirgich nimstansiyasi qurib bitkazilib, ishga topshirildi. Yuqori kuchlanishli liniyalarda izolyatorlar qisman polimerdan bo‘lgan zamonaviylariga almashtirildi. Geotexnologik konning yangi «Moylisoy» va 102-uchastkalari elektr ta’minoti o‘zlashtirildi. Sexning barcha uchastkalarida mehnatkashlar uchun ovqatlanish xonalari qurilib, to‘la jihozlantirildi. Binolar, echinish, kiyinish, yuvinish xonalari to‘liq yoki joriy ta’mirdan chiqarildi va chiqarilmoqda.


Yuqori kuchlanishli elektr asbob-uskunalarini ta’mirlash va xizmat ko‘rsatish uchastkasi sexning eng yirik bo‘linmasi bo‘lib, jamoa boshliq San’atjon Saimov, katta ustalar Zafar Pardaev, Muzaffar Safarovlar etakchiligida zimmalaridagi topshiriqlarni doimo o‘z vaqtida va sifatli ado etayapti. Liniya-kabel uchastkasi energetiklarining  vazifasi yanada murakkab. Ular sharoit taqozosi bilan o‘ttiz metrgacha balandlik va ikki metrgacha chuqurlikda sodir bo‘lgan turli nosozliklarni tezkorlik bilan bartaraf etishlariga ham to‘g‘ri keladi. Bu so‘zlardan uchastkaning Fozilbek Nurmaxanov, Abdurashit Boymuradov, Nurinbet Kayipov singari elektr montyorlaridan o‘z kasbining naqadar bilimdoni bo‘lishlari talab etilishini tasavvur qilavering. Elektr asbob-uskunalarining to‘g‘ri va xavfsiz ishlashi Markaziy elektr laboratoriyasi mutaxassislari hamda ishchi-xodimlarining bilim saviyasi, ishga sidqidildan yondashishlariga bog‘liq. Laboratoriya boshlig‘i Vladimir Redkozubov, rele himoyasi va avtomatika guruhi boshlig‘i Nikolay Shkundya, katta usta Bekzod Abdurahmonov, elektr montyorlar Aleksandr Solomaxin, Akram Suvanov, Sherzod Jabborovlar hamisha shunday yuksak mas’uliyatni chuqur his qilgan holda ish tutmoqdalar. Sexning 3-gidrometallurgiya zavodi va sulfat kislotasi ishlab chiqarish sexiga, geotexnologik konga xizmat ko‘rsatish, shuningdek, shahar elektr tarmoqlari uchastkalari jamoalari amalga oshirayotgan ishlar ham har qancha tahsinga munosibdir. Ahil jamoaning aksariyatini o‘ttiz yoshgacha bo‘lgan yoshlar tashkil etishadi. Ular faxriylarning boy mehnat ko‘nikmalari va tajribalarini qunt bilan o‘rganmoqdalar. Boshqacha aytganda, korxonada shakllangan yaxshi an’analar davom etmoqda. Darvoqe, sex ishchi-xizmatchilari, muhandis-texnik xodimlari bahor va uyg‘onish ayyomi – Navro‘zi olamni zo‘r ko‘tarinkilik bilan kutib olayaptilar. Jamoaning har bir vakili bayramoldi obodonlashtirish va ko‘kalamzorlashtirish ishlarida qalb amri bilan ishtirok etayapti. Jamoa bahorgi hasharlarda Uchquduq shahrining 6-kvartali ko‘cha va ko‘p qavatli uylari atrofini ko‘kalamzorlashtirdi va obodonlashtirdi. Hududning bo‘sh erlariga 50 tup manzarali, sex binolariga tutash maydonchalarga 30 tup mevali daraxt ko‘chatlari o‘tqazdilar. Quvonarlisi, ayni paytda ham bunday xayrli ishlar qizg‘in olib borilayapti.

Nizomiddin SADRIDDINOV.
Jumamurot MIRZAEV
olgan suratlar.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №6 от 18.03.2016 AN’ANALAR DAVOM ETADI