Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 09.04.2015 dan №7 nashr AMALIYOT - ENG YAXSHI USTOZ

AMALIYOT - ENG YAXSHI USTOZ

NKMK korxonalarida har yili 3,5 ming nafardan ortiq yigit-qizlar amaliyot o‘tashadi.

Kollej o‘quvchisi yoki talaba olgan bilimlarini birinchi qaerda namoyon etadi? Albatta, amaliyotda. Bo‘lajak yosh mutaxassisning nimalarga qodirligi, ishga bo‘lgan munosabati u amaliyot o‘tayotgan tashkilot yoki korxonada bilinadi.

Ayni kunlarda Navoiy kon-metallurgiya kombinatiga biriktirilgan Navoiy va Uchquduq konchilik, Karmana sanoat va xizmat ko‘rsatish, Jaloyir iqtisodiyot, Nurota tumanidagi sanoat konchilik, Zarafshon shahridagi sanoat, Qo‘shrabot tumanidagi sanoat va xizmat ko‘rsatish, G‘allaoroldagi transport va sanoat kasb-hunar kollejlarining 2 ming nafardan ortiq o‘quvchilari kombinat bo‘linmalarida ishlab chiqarish amaliyotini o‘tashmoqda. O‘quv mas­kanlarining 2,3-bosqich o‘quvchilari tokarlik, elektromontyorlik, avtochilangarlik, haydovchilik, EHM operatorlari, elektr payvand­lash, nazorat-o‘lchov asboblari va avtomatikasi yo‘nalishlari bo‘y­icha bilimlarini amaliyotda mus­tahkamlamoqdalar.

–Kollej ikkinchi, uchinchi bosqich o‘quvchilarining nazariy bilimlarini mustahkamlash va chuqurlashtirish, ularni mutaxassislik bo‘yicha zarur ko‘nikma va amaliy ish tajribasiga o‘rgatish maqsadida kombinat bo‘limlariga biriktirilgan, –deydi Navoiy konchilik kolleji direktorining kasbiy ta’lim bo‘yicha o‘rinbosari Mahmud Aliev. – O‘zbekiston Respublikasi Vazirlar Mahkamasining 2009 yil 11 fevraldagi «Kasb-hunar kollejlari o‘quvchilarining ishlab chiqarish amaliyotini tashkil etish va o‘tkazishni takomillashtirish to‘g‘risidagi qarorining ijrosini ta’minlash uchun kollejimizning 651 nafar o‘quvchisi 9 yo‘nalish bo‘yicha amaliyot o‘tamoqda. Ish beruvchi tashkilot bilan hamkorlik shartnomalari tuzilgan.

«1-gidrometallurgiya zavodi» kon­ boshqarmasida amaliyotchi yoshlar uchun za­rur shart-sharoitlar muhayyo qilingan. Sexlarda o‘quvchilarga biriktirilgan rahbarlar tomonidan amaliyotning bajarilishi nazorat qilinib, ichki mehnat tartibi, xavfsizlik texnikasi qoidalarini mukammal o‘rgatish, hisobotlari uchun etarli materiallarni yig‘ish ishlarida ularga uslubiy yordam berilayapti. Zavodda 18 yoshga to‘lgan amaliyotchilar shogird sifatida ish o‘rganib, eng kichik razryadli ishchi oladigan miqdorda oylik olsa, yoshi kichik o‘quvchilar dublyor hisoblanib, ularga 3- razryadning 30 foizi miqdorida maosh belgilangan.

-NKMK ma’muriyatining joriy yil 29 yanvardagi 93-sonli qarori talablaridan kelib chiqib ayni kunlarda turli kollejlarning 51 nafar o‘quvchisi Navoiy maydonida, 39 nafari esa «Qoraqo‘ton» konida amaliyot bilan band. Zavoddagi 7 ta sex va uchastkalarga taqsimlangan yigit-qizlarga malakali xodimlar ustozlik qilishmoqda. Kelajagimiz bo‘lgan yoshlar bilimli, mas’uliyatli xodim bo‘lib etishishlari uchun birinchi kundanoq ularga zavodda o‘rnatilgan tartib-qoidalarni va mehnat intizomiga rioya qilishni o‘rgatamiz. 2014 yilda 38 nafar amaliyotchi ishga qabul qilingan bo‘lsa, joriy yilda 50 nafarga yaqin yoshlar safimizga qo‘shilishadi,-deydi kon boshqarmasining kadr­lar tayyorlash bo‘yicha muhandisi Ahmadjon Safarov.

Zavod energouchastkasida 6 nafar o‘quvchi amaliyot o‘tamoqda. Amaliyot xonasi kerakli jihozlar bilan ta’minlangan.

-Har yili uchastkamizga kasb-hunar kollejlaridan o‘nlab o‘quvchilar kelishadi. Ular tajribali usta-murabbiylarga biriktiriladi. Bilimli, mas’uliyatli bitiruvchilar ishga olib qolinadi,-deydi uchastka ustasi Farhod Ko‘chimov.

Konchilik kollejidan kelgan Jasur SHirinov otasi izidan borib elektriklik kasbini tanlagan. Kelajakdagi niyati mutaxassisligi bo‘yicha o‘qish va shu zavodda ishlash. U bilan tuzilgan uch tomonlama shart­noma bu maqsadiga etishda huquqiy asos bo‘la oladi.

Texnologik laboratoriya «1-gid­rometallurgiya zavodi» kon bosh­qarmasining muhim ob’ektlaridan. Demak, kadr­lar mas’uliyatli, bilimli bo‘lishi shart. Laboratoriya boshlig‘i Galina Vuchichevichning aytishicha, bajaradigan ishlari ancha murakkabligiga qaramasdan yoshlar o‘rtasida bu kasbga qiziquvchilar ko‘pchilikni tashkil etar ekan. Tajribali va talabchan rahbar ayrim yoshlarning ishga munosabatidan ko‘ngli unchalik to‘lmasada, tarbiya va bilim berib, ularni yaxshi xodimlarga aylantirish mumkin, deb hisoblaydi. Amaliyot rahbari Kamola Aslonova qizlarga bilim va tajribasini o‘rgatish bilan birga ular qalbida tanlagan kasbiga mehr tuyg‘ularini ham shakllantirishga harakat qilmoqda.

-Men NKMK bilan uch tomonlama shartnoma tuzdim. Ayni paytda o‘zimni qiziqtirgan savollarga javob topayapman. Kollejda olgan bilimimni amalda qo‘llashimda murabbiy-ustozlarim menga katta yordam berishayapti. Diplomimni olgach, shu erda laborant bo‘lib ishlashni juda xohlayman, - deydi amaliyotchilardan biri Emine Georgeu.

Navoiy industrial iqti­sodiyot kollejining kimyoviy ishlab chiqarish va texnologiyasi yo‘nalishi o‘quvchisi Nigora Teshaeva intiluvchanligi bilan tengdoshlariga namuna bo‘lmoqda.

-Kimyo faniga qiziqishimni ko‘rgan maktabdagi ustozlarim shu yo‘nalishda yaxshi natijalarga erishishim mumkinligini aytishgandi. Ularning maslahatlariga amal qilib, kollejda shu yo‘nalishni tanladim. Oliy o‘quv yurtida tahsil olib, sohaning etuk mutaxassisi bo‘lishni orzu qilaman, -deydi Nigora.

«1-GMZ» kon boshqarmasi axborot texnologiyalari bo‘limida amaliyot o‘tayotgan yoshlar bilan suhbat jarayonida yigit-qizlarning zamonaviy texnologiyalarga qiziqishlari yaqqol sezildi. Konchilik kollejining kompyuter tarmoqlarini montaj qilish yo‘nalishida tahsil olayotgan yoshlar amaliyot rahbari Evgeniy Gadjiev boshchiligida kompyuterlarni texnik holatidan tortib, turli dasturlarda ishlashgacha o‘rganishmoqda. Bu yoshlarning har biri allaqachon 7-8 dasturda ishlashni o‘rganib olishgan.

-Ilk amaliyotimiz menga juda yoqdi. Hozir o‘zim mustaqil ravishda katridjlarni tozalash, ta’mirlash, rang to‘ldirish ishlarini bemalol uddalayapman. Kelajakda qaysi sohani tanlashimdan qat’iy nazar, olgan bilimim men uchun foyda keltirishga ishonaman,-deydi amaliyotchi Mahmud Ravshanov.

«Navoiy mashinasozlik zavodi» ICHBda 155 nafar o‘quvchi ishlab chiqarish va diplomoldi amaliyotlarini o‘tamoqdalar.

-Korxonamizga har yili Karmana sanoat va xizmat ko‘rsatish, Karmana sanoat va iqtisodiyot va Navoiy konchilik kasb-hunar kollejlari va boshqa hunar dargohlaridan yuzlab bitiruvchilar amaliyot o‘tagani kelishadi. Ularga mutaxassisligi bo‘yicha ko‘nikma va ish tajribasini puxta o‘rgatish uchun bizda «ustoz-shogird» an’analari joriy etilgan. Har yili amaliyot yakunida «Eng yaxshi amaliyotchi» tanlovi o‘tkaziladi. Tanlov yakunlari ishchan va bilimli kadrlarni tanlashimizda qo‘l kelmoqda, - deydi birlashmaning O‘quv markazi direktori Aziz Rustamov.

O‘tgan yili zavodda amaliyot o‘tagan kollej bitiruvchilaridan 125 nafarga yaqini chilangarlik, tokarlik, elektr­payvandchilik kabi mutaxassisliklar bo‘yicha ishga qabul qilindilar. Joriy yilda yana yuz nafardan ziyod bitiruvchini ish bilan ta’minlash ko‘zda tutilmoqda.

Amaliyotning namunali tashkil etilishi yoshlarning kasbiy mahorat va qobiliyatlarini rivojlantiribgina qolmay, ularning doimiy ish joyi bilan ta’minlanishi hamda kelajakda yaxshi mutaxassis bo‘lib etishishlarida ham muhim ahamiyat kasb etadi.

Dilafro‘z BEKNAZAROVA.

Rasmlar muallifi

Sitora AMINOVA.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 09.04.2015 dan №7 nashr AMALIYOT - ENG YAXSHI USTOZ