Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №8 от 26.04.2018 YANGI JAMOA SHARTNOMASI QABUL QILINDI

YANGI JAMOA SHARTNOMASI QABUL QILINDI

 “Yangi jamoa shartnomasi qabul qilindi” nomli maqola muallifi Farrux Norkulov. Ushbu maqolada yozilishicha, joriy yilning 17 aprel kuni “Farxod” madaniyat saroyida Navoiy kon-metallurgiya kombinatining Jamoa shartnomasini 2017 yilda bajarish natijalari va 2018-2020 yillarga Jamoa shartnomani qabul qilishga bag‘ishlangan kombinat mehnat jamoasining anjumani o‘tkazilgan.

NKMK bosh direktori Quvondiq Sanaqulovich Sanaqulov o‘z ma’ruzasida O‘zbekiston Respublikasi Prezidenti Shavkat Miromonovich Mirziyoyev tashabbusi bilan 2017-2026 yillarda NKMKda umumiy qiymati 3 milliard 63 million AQSH dollariga teng bo‘lgan 27 ta investitsion loyihani amalga oshirish va 30 mingdan ko‘proq yangi ish o‘rinlarini yaratish belgilab berilganligini ta’kidlab o‘tgan.

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida o‘tgan yilda NKMK rahbariyati va kasaba uyushmalari Kengashi ijtimoiy sohani rivojlantirishga qaratilgan bir qator chora-tadbirlarni amalga oshirgan. Xususan, Uchquduq shahridagi “Kelajak” yoshlar markazi va Navoiydagi “Sug‘diyona” o‘yingohi rekonstruksiya qilingan, Zarafshondagi “Neptun” suzish havzasi va “Alpomish” sport majmuasi to‘liq ta’mirlangan, Zafarobod qo‘rg‘onida “Yangi hayot” sog‘lomlashtirish majmuasi qurilgan. Ushbu ezgu ishlar uchun kombinat tomonidan 40 milliard so‘mdan ko‘proq mablag‘ yo‘naltirilgan.

Bundan tashqari, Q.S.Sanaqulov 2018 yilda kombinat mehnatkashlari oldida ko‘p qiziqarli ishlar turganligini aytib o‘tgan. Birinchi navbatda tayyorgarligi qizg‘in pallada bo‘lgan NKMK 60-yilligini nishonlash lozim. Jizzax viloyati Zomin tumanidagi sanatoriy qirilishini oxirigacha etkazish, Samarqand viloyati Urgut tumanidagi “Zolotinka” bolalar sog‘lomlashtirish oromgohining tubdan ta’mirlanishini va Uchquduq tumanidagi “Konchi” profilaktoriyni rekonstruksiyasini tugatish kerak, hamda Tomdi tumanida “Shodlik” mehribonlik uyining tarbiyalanuvchilari uchun bolalar shaharchasi va Zarafshon shahrida favvoralar hiyobonining qurilishini boshlash zarur.

2018-2020 yillarga mo‘ljallangan Jamoa shartnomaga bo‘lgan eng muhim o‘zgartirishlardan biri bu kombinatning mehnat to‘lovlari jamg‘armasidan 1 foiz miqdordagi mablag‘larni NKMK kasaba uyushmalari Kengashiga madaniyat va sport sohalarini ta’minoti uchun ko‘chirib berish. Bugungi kungacha ushbu ko‘rsatgich 0,85 foizni tashkil qilgan. Anjuman natijalariga binoan, 2018-2020 yillarga mo‘ljallangan Jamoa shartnomasini barcha o‘zgartirish va qo‘shimchalar bilan tasdiqlash va uni joriy yilning 1 may kunidan kuchga kirgizish to‘g‘risidagi qaror qabul qilingan.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №8 от 26.04.2018 YANGI JAMOA SHARTNOMASI QABUL QILINDI