Kombinatning oltin ovozlari

Nasiba Shamuratovaning «Kombinatning oltin ovozlari» maqolasida «Farhod» madaniyat saroyida 2016 yil 16 aprelda yakunlangan yosh estrada xonandalarining «Qizilqum ovozi» XII tanlovi haqida hikoya qilinadi. SHu yilgi tanlovda mamlakatimizning uchta viloyatida faoliyat yuritayotgan kombinat tasarrufidagi madaniyat muassasalaridan tashrif buyurgan 23 nafar iqtidor egalari ishtirok etdilar. Tanlovni poytaxtlik taniqli san’at arboblari baholab bordilar.

O‘zbekistonda xizmat ko‘rsatgan artist Kozim Qayumov tanlov yuqori darajada tashkil etilganligini ta’kidlagan holda, o‘z taassurotlarini shunday bayon qildi: «Qo‘shiqchilik san’atiga qiziqadigan yoshlarning ko‘pligidan xursand bo‘ldim. Tanlovda bir-biridan qolishmaydigan iste’dod egalari ishtirok etganligi uchun ular orasida raqobat kuchli bo‘ldi. Hay’at a’zolari uchun g‘oliblarni aniqlash oson kechmadi».

Tanlov g‘oliblari diplomlar va esdalik sovg‘alari bilan taqdirlandilar.