Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №9 от 16.05.2018 “DUNYONING SAKKIZINCHI MO‘’JIZASI”

“DUNYONING SAKKIZINCHI MO‘’JIZASI”

Bu dunyoda aziz ne’matlar ko‘p, lekin ularning orasida eng azizlaridan biri kitobdir. Qaysi bir xalqda kitobxonlik ommaviy tus olgan bo‘lsa, o‘sha xalqning kelajagi porloq, omadi olam oshgan.

O‘zbekiston Respublikasi Prezidenti Shavkat Mirziyoyevning 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida” farmoyishi ijrosini ta’minlash  maqsadida 28 aprel kuni “Farhod” madaniyat saroyida o‘tkazilgan “Dunyoning sakkizinchi mo‘’jizasi” mavzusidagi sahnalashtirilgan ma’rifiy, adabiy-badiiy, musiqiy tadbirda insonning ongu tafakkuri, dunyoqarashi, ma’naviy saviyasini yuksaltirishda kitobning beqiyos o‘rni tarannum etildi. 

Abu Rayhon Beruniyning kombinat homiyligida nashr qilingan “Qimmatbaho javohirlar haqida bilimlar kitobi”ning   “1-GMZ” kon boshqarmasi yoshlar ittifoqi boshlang‘ich tashkiloti etakchisi Sardor Rahmonov tomonidan tayyorlangan katta hajmli maketi zalga o‘zgacha fayz bag‘ishladi. Uning ichidan kitob “muallifi”ning chiqib kelib, yoshlarga murojaat qilishi hammani hayratga soldi.

Kombinat bo‘linmalarida faoliyat yuritayotgan yoshlar ittifoqi boshlang‘ich tashkiloti faollari, “Farhod” madaniyat saroyi ijodiy jamoasi va Navoiy davlat konchilik instituti o‘qituvchi, talabalari ishtirokida  o‘tkazilgan tadbirda buyuk yozuvchilarning o‘lmas asarlaridan parchalar qo‘yildi, bugungi kunda jamiyatimizda hukm surayotgan og‘riqli muammolar hajviy ko‘rinishlarda talqin qilindi. Ayniqsa, “Farhod” madaniyat saroyining “Eksklyuziv” teatr jamoasi tomonidan O‘tkir Hoshimovning “To‘ychivoy” asari asosida sahnalashtirilgan ko‘rinish tomoshabinlarda katta qiziqish uyg‘otdi.

Jamoalarning chiqishlarini tamoshabinlar gulduros qarsaklar bilan olqishlab turishdi. Ayniqsa, “1- gidrometallurgiya zavodi” kon boshqarmasi, Markaziy kon  boshqarmasi yoshlar ittifoqi boshlang‘ich tashkilotlari jamoalari va Navoiy davlat konchilik instituti o‘qituvchi va talabalaridan tashkil topgan ijodiy guruhlar tayyorlagan ko‘rinishlar hammada yaxshi taassurot qoldirdi. “1-GMZ” kon boshqarmasi ishchisi Ashurali Xolbo‘taev o‘z hisobidan sotib olgan kitoblarni viktorina savollariga to‘g‘ri javob bergan talabalarga va “Mehribonlik uyi”dan taklif qilingan bolalarga topshirdi.

Kombinat yoshlari aniq maqsadlar sari shijoat bilan odimlab bormoqda. “Dunyoning sakkizinchi mo‘‘jizasi” esa odimlarning eng xayrlisi bo‘ldi.

Salima XOLDOROVA,

NKMK tarixi muzeyi mudiri.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №9 от 16.05.2018 “DUNYONING SAKKIZINCHI MO‘’JIZASI”