Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №9 от 16.05.2018 BUYUK ADIBLARGA EHTIROM

BUYUK ADIBLARGA EHTIROM

“Farhod” madaniyat saroyining NKMK muzeyida Uy-joy kommunal boshqarmasi ma’naviyat targ‘ibotchilari tomonidan O‘zbekiston Respublikasi Prezidentinig 2018 yil 13 martdagi “Buyuk qozoq shoiri va mutafakkiri Abay Qo‘nonboev ijodiy merosini keng o‘rganish va targ‘ib qilishni tashkil qilish to‘g‘risida”gi va joriy yilning 2 aprelidagi “Buyuk adib va jamoat arbobi Chingiz Aytmatov tavalludining 90 yilligini nishonlash to‘g‘risida”gi qarorlari ijrosini ta’minlashga bag‘ishlangan tadbir o‘tkazildi.

Muzey mudiri Salima Xoldorova o‘z chiqishida qirg‘iz xalqining ulug‘ yozuvchisi Chingiz Aytmatov XX asr jahon adabiyotining buyuk namoyandalaridan biri ekanligi, uning asarlari dunyoning 154 ta tiliga tarjima qilinganligi, yuksak iste’dod bilan yaratilgan asarlar millat va sarhad tanlamasligi, ko‘zga ko‘rinmagan holda xalqlar o‘rtasidagi do‘stlik rishtalarini mustahkamlashga xizmat qilishini aytib o‘tdi. Chingiz Aytmatovning o‘lmas badiiy merosi O‘zbekiston va Qirg‘iziston o‘rtasidagi munosabatlarda yangi davr boshlangan hozirgi kunlarda yanada muhim ahamiyat kasb etadi.

“Tafakkur” yoshlar targ‘ibot markazi rahbari Jonibek Shuhratov Chingiz Aytmatov asarlari millionlab kitobxonlarning ma’naviy mulkiga aylanganligi, uning ijodida yuksak insoniy fazilatlar tarannum etilganligi, atoqli yozuvchining badiiy tafakkuri, betakror iste’dodi, so‘z ustida ishlashi, asarlarining tili, falsafasi ijod ahli uchun hamisha mahorat maktabi bo‘lib qolishini ta’kidladi. “Ch.Aytmatov “Mening taqdirim o‘zbek xalqi taqdiriga o‘xshaydi”, - deya xalqimiz tarixi, madaniyatiga mehr-muhabbatini izhor etgan. Bu so‘zlar zamirida teran ma’no bor. Adib xalqimizning boy ma’naviy merosini yaxshi bilardi, chuqur his etardi”, - dedi J.Shuhratov.

Qiziqarli tarzda o‘tgan adabiy¬ kechada Uy-joy kommunal bosh¬qarma¬siga qarashli 1,2- yotoqxona faollari A.Norboev, D.Toshpo‘latova, B.Temirova, M.Akramov, 4-yotoqxona ma’naviyat targ‘ibotchisi J.Ro‘zieva va faollari N.Nurmurodov, S.Xomidov, ko‘kalamzorlashtirish uchastkasi ma’naviyat targ‘ibotchisi X.Said¬murodovalar Abay Qo‘nonboev ijodiy merosi va Chingiz Aytmatovning nodir asarlari to‘g‘risida fikrlarini bildirdilar. 4-yotoqxona faoli, 1-son musiqa va san’at maktabining o‘quvchisi S.Usmonova ijrosidagi “Tabassum” nomli dutor kuyi barchaga manzur bo‘ldi. Tadbir ishtirokchilarda yaxshi taassurot qoldirdi.

Muqaddas ASLONOVA,

UJKBning ma’naviy va ma’rifiy 

ishlar bo‘yicha muhandisi.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №9 от 16.05.2018 BUYUK ADIBLARGA EHTIROM