• Yaratildi: 29.11.2022
• Yangilandi: 04.01.2023
• O'qildi: 2988

Kombinat vakillari Londonda xalqaro anjumanda qatnashdi

2022-yil 28-noyabr kuni Buyuk Britaniyaning poytaxti London shahrida “Markaziy Osiyo, Mo‘g‘uliston va Yevropada barqaror qazib olish” mavzusida "MINEX Eurasia" 10-anjumani bo‘lib o‘tdi.

2012-yildan buyon o‘tkazib kelinayotgan mazkur anjuman Yevroosiyoda (Yevropa, Markaziy Osiyo va Mo‘g‘uliston) konchilik sanoati tendentsiyalari va investitsiya imkoniyatlariga bag‘ishlangan Buyuk Britaniyadagi eng yirik tadbirdir. Anjuman Buyuk Britaniya va xalqaro konchilik va metallurgiya kompaniyalari, investorlar, moliyachilar, davlat nazorat organlari va xizmat ko'rsatuvchi kompaniyalar uchun mo'ljallangan.

Anjumanda "NKMK" AJ bosh direktorining transformatsiya bo‘yicha birinchi o‘rinbosari, boshqaruv a’zosi Yevgeniy Antonov va "NKMK" AJ Resurslar bo‘yicha direktori Lyubov Yegorovalar taqdimotlari bilan ishtirok etdi.

“NKMK” AJ matbuot xizmati.