• Yaratildi: 23.11.2020
• Yangilandi: 02.12.2020
• O'qildi: 627

Sog‘lomlashtirish tadbirlari davom etmoqda

Navoiy kon-metallurgiya kombinati bo‘linmalari mehnat jamoalari vakillari ishtirokida ommaviy sportni rivojlantirish, sog‘lom turmush tarzini keng targ‘ib etishga qaratilgan sog‘lomlashtirish tadbirlari tashkil etilayapti.

  

21 noyabr kuni Navoiy shahridagi “So‘g‘diyona” o‘yingohida “Sog‘lik uchun – 5000 qadam” shiori ostida navbatdagi sog‘lomlashtirish tadbiri o‘tkazildi. Unda kombinatning Navoiy shahrida joylashgan bo‘linmalari ishchi-xodimlari faol ishtirok etishdi. Ishtirokchilar mashqlar jarayonida o‘yingoh maydoni uzra NKMK ko‘rinishini hosil qilishdi.

- Jismoniy mashqlarni bajarish, yugurish, piyoda yurish koni foyda. Bu sog‘ligimiz garovi, insonga kayfiyat, tetiklik bag‘ishlaydi. Ayniqsa, haftalik ishdan so‘ng sport bilan shug‘ullanish ancha maroqli ekan. Buni tadbirlarda qatnashib, ruhiyatimda chuqur his etayapman. Barcha jamoadoshlarimni ushbu xayrli tashabbusga qo‘shilishga daʼvat etaman, – deydi Tibbiy-sanitariya bo‘limi hamshirasi Shahlo Po‘latova.

Tadbir ishtirokchilari turli xil badantarbiya mashqlarini bajarishdi va o‘yingoh bo‘ylab 5 kilometrlik masofani piyoda bosib o‘tishdi.

Bu kabi tadbirlar kombinatning barcha bo‘linmalarida uyushqoqlik bilan tashkil etildi.

NKMK Matbuot markazi.