• Yaratildi: 18.03.2023
• Yangilandi: 18.03.2023
• O'qildi: 2320

Kombinat ishchi-xodimlari “Yangi O‘zbekiston bog‘i”ni barpo etdilar

18-mart kuni mamlakatimizda Navro‘z umumxalq bayramini munosib nishonlash hamda muborak Ramazon oyini qarshi olishga tayyorgarlik ko‘rish, mahallalar, aholi turar joylarini obodonlashtirish va ko‘kalamzorlashtirish maqsadida, “Obod va fayzli mahalla – yurt ko‘rki” shiori ostida umumxalq xayriya hashari o‘tkazildi.  

“Navoiy kon-metallurgiya kombinati” aksiyadorlik jamiyati bo‘linmalarida, korxonalarida 18 ming nafardan ortiq ishchi-xodimlar umumxalq hasharida faol ishtirok etdilar.

Hasharda kombinat ishchi-xodimlari tomonidan 16 ming tupdan ortiq mevali va manzarali daraxt ko‘chatlari, 10 ming tupga yaqin har xil gul nihollari ekilib, 200 gektardan ortiq hudud obodonlashtirildi, bo‘linmalar hududidagi daraxtlar oqlanib, ularga shakl berildi.

“Obod va fayzli mahalla – yurt ko‘rki” shiori ostida o‘tkazilgan umumxalq xayriya hashari hamda “Yashil makon” umummilliy loyihasi doirasida “NKMK” AJ tashabbusi bilan Karmana tumanida joylashgan “Do‘stlik” agrofirmasiga qarashli 4 gektarlik maydonda kombinat ishchi-xodimlari va yoshlari tomonidan “Yangi O‘zbekiston bog‘i” barpo etildi.

“NKMK” AJ Matbuot xizmati.