• Yaratildi: 08.05.2023
• Yangilandi: 08.05.2023
• O'qildi: 401

Xodimlarning huquqiy savodxonligi oshirilmoqda

“Navoiy kon-metallurgiya kombinati” aksiyadorlik jamiyatida ishchi-xodimlarga korrupsiyaga qarshi kurashish bo‘yicha qabul qilingan normativ-huquqiy hujjatlarning mazmun-mohiyatini tushuntirish bo‘yicha seminarlar tashkil etilmoqda.

Yaqinda shunday seminar Navoiy mashinasozlik zavodi xodimlari ishtirokida o‘tkazildi. Tadbirda zavod direktori J.Hayitov, Komplayens xizmati masʼul xodimi Sh.Shuhratovlarning korrupsiyaviy xavf-xatarlarni aniqlash va baholash bo‘yicha maʼruzalari tinglandi.

Shuningdek, korxona xodimlari “NKMK” AJning korrupsiyaga qarshi kurashish siyosati, xodimlarning Odob-axloq kodeksi hamda yaqinda qabul qilingan Manfaatlar to‘qnashuvini boshqarish bo‘yicha Nizom, Korrupsiyaga oid huquqbuzarliklar haqida xabar bergan xodimlarni rag‘batlantirish Tartibi, Kontragentlarni tekshirishga oid Yo‘riqnoma bilan tanishtirildi.

Tadbir yakunida zavod xodimlari tomonidan savol va takliflar bildirildi.

“NKMK” AJ Matbuot xizmati.