• Yaratildi: 17.05.2023
• Yangilandi: 17.05.2023
• O'qildi: 531

Normativ-huquqiy hujjatlarning mazmun-mohiyati tushuntirilmoqda

Navoiy kon-metallurgiya kombinati bo‘linmalarida ishchi-xodimlarga korrupsiyaga qarshi kurashish bo‘yicha qabul qilingan normativ-huquqiy hujjatlarning mazmun-mohiyatini tushuntirish bo‘yicha seminarlar tashkil etilmoqda.

16-may kuni shunday seminar Markaziy kon boshqarmasida o‘tkazildi. Tadbirda “NKMK” AJ Komplayens xizmati masʼul xodimlari, kon boshqarmasi ishchi-xodimlari ishtirok etishdi.

Seminarda maʼruzachilar tomonidan kombinatda korrupsiyaviy xavf-xatarlarni aniqlash va baholash, odob-axloq tamoyillari va talablari, manfaatlar to‘qnashuvini oldini olish bo‘yicha qilinayotgan ishlar xususida so‘z yuritildi.

Shuningdek, korxona ishchi-xodimlari “NKMK” AJning korrupsiyaga qarshi kurashish siyosati, xodimlarning Odob-axloq kodeksi hamda yaqinda qabul qilingan Manfaatlar to‘qnashuvini boshqarish bo‘yicha Nizom, Korrupsiyaga oid huquqbuzarliklar haqida xabar bergan xodimlarni rag‘batlantirish Tartibi, Kontragentlarni tekshirishga oid Yo‘riqnoma bilan tanishtirildi.

Tadbir yakunida ishchi-xodimlar tomonidan savol va takliflar bildirildi.

“NKMK” AJ Matbuot xizmati.