• Yaratildi: 31.05.2023
• Yangilandi: 31.05.2023
• O'qildi: 2902

Mehnat muhofazasi va xavfsizlik texnikasi doimiy nazoratda

Navoiy kon-metallurgiya kombinatida inson hayoti, sog‘ligi bilan bog‘liq bo‘lgan mehnat muhofazasi va xavfsizlik texnikasini taʼminlash muhim ahamiyat kasb etadi.

Ishlab chiqarishda yuzaga kelishi mumkin bo‘lgan baxtsiz hodisalar va kasbiy kasalliklarning oldini olish maqsadida kombinat bo‘linmalaridagi ish jarayonida mehnat muhofazasi va xavfsizlik texnikasining muhim talablariga amal qilish holati doimiy nazoratda.

Hususan, joriy yilning 29-31-may kunlari “NKMK” AJ Mehnat muhofazasi va xavfsizlik texnikasi bosh boshqarmasi, kasaba uyushmasi, atrof-muhit muhofazasi xizmati vakillari tomonidan Navoiy mashinasozlik zavodida ish joylarining holati, ishni xavfsiz bajarish uchun yaratilgan shart-sharoitlar o‘rganildi. Ushbu o‘rganish yakunlari bo‘yicha zavodda korxona rahbariyati va mutaxassislari ishtirokida yig‘ilish o‘tkazildi.

Mazkur yig‘ilishda aniqlangan mehnat muhofazasi qoidalari talablarining buzilishlari muhokama etilib, ularning oldini olish yuzasidan tavsiyalar berildi. Shuningdek, mehnat muhofazasiga bog‘liq boshqa masalalar ham ko‘rib chiqildi.

“NKMK” AJ Matbuot xizmati.