• Yaratildi: 24.01.2020
• Yangilandi: 24.12.2020
• O'qildi: 1005

Ilm-ma’rifat – yurt ravnaqini belgilaydi

Mamlakatimizda har yili yangi yilga nom berish an’anasi bor. Odamlar orasida ko‘p bo‘lamiz. Ular bilan suhbatlarda katta-yu kichik, yoshu keksalarimiz buni intiqib kutayotganliklarini o‘zi ularning davlatimiz taraqqiyotiga daxldorlik tuyg‘ulari oshib borayotganliklaridadir. Negaki, Prezidentimiz tomonidan olib borilayotgan shiddatli islohotlar yurtimizning chekka qishloqlarida ham o‘z natijalarini ko‘rsatmoqda. Bunga Manas, Muynoq kabi shaharu qo‘rg‘onlarda ro‘y bergan o‘zgarishlarni misol qilib keltirishimiz mumkin. Xalqimizning dunyoqarashi o‘zgarmoqda. Bir so‘z bilan aytganda, Prezidentimiz rahnamoligida yangi O‘zbekiston barpo etilmoqda.

Barcha yurtdoshlarim qatorida Prezidentimiz Shavkat Mirziyoyevning Oliy Majlisga Murojaatnomasini to‘g‘ridan-to‘g‘ri kuzatdim. Murojaatnomada mamlakatimiz hayotining barcha jabhalari qamrab olinganligi tahsinga loyiqdir. Tarixdan ma’lumki, Sharq azaldan o‘zining ilm-fani, ma’rifat va tarbiyasi bilan ma’lumu mashhurdir. Birgina, Beruniy bobomizning asarlarini olib ko‘raylik. Barchasida ilm bor, ma’rifat bor, tarbiya bor.

Prezidentimiz o‘z chiqishlarida “Eng katta boylik – bu aql-zakovat va ilm, eng katta meros – bu yaxshi tarbiya, eng katta qashshoqlik – bu bilimsizlikdir!”, deganlarida juda katta teran ma’no bor. Rivojlangan texnika va texnologiyalar asrida yashayotgan ekanmiz, faqat o‘zimizning bilimimiz, ilmimiz, shu bilan birga, ma’naviyatimiz, tarbiyamiz bilangina oldimizga qo‘yilgan katta marralarni egallashimiz mumkin.

Shu ma’noda, muhtaram Prezidentimiz Shavkat Miromonovich Mirziyoyevning taklifi bilan 2020 yil – Ilm-ma’rifat va raqamli iqtisodiyotni rivojlantirish yili deb e’lon qilinganligi ayni muddaodir va bunda ham Yurtboshimizning uzoqni ko‘ra bilish siyosati, Vatan ravnaqi yo‘lidagi cheksiz jonkuyarligi yana bir bor namoyon bo‘ldi.

Yil nomidagi ilm va ma’rifat so‘zlari bir-birini to‘ldiradi. Ilm kishisi, albatta, kitob o‘qiydi, bilim va tafakkur olamini muttasil boyitib boradi. Kitob hamma zamonlarda ma’rifat bulog‘i, ezgulik, barcha yaxshi ishlarning manbai bo‘lgan, ilm chashmasidan qancha olsang, shuncha kamdek tuyuladi.

Shundan kelib chiqqan holda, davlatimiz Rahbarining Oliy Majlis palatalariga taqdim etgan Murojaatnomasidagi taklif va tashabbuslarini to‘liq qo‘llab-quvvatlagan holda ma’naviy-ma’rifiy ishlarimizni yangi bosqichga olib chiqishimiz lozim. Bu esa markazimiz xodimlari oldiga ham jiddiy vazifalarni qo‘ymoqda. Biz ishimizni tamomila qayta ko‘rib chiqib, Prezidentimizning Murojaatnomasida o‘z ifodasini topgan vazifalarga uyg‘un ravishda tashkil etishimiz kerak.

Xolmamat RAUPOV,

Ma’aniyat va ma’rifat markazi rahbari.