• Yaratildi: 04.02.2020
• Yangilandi: 24.12.2020
• O'qildi: 1010

“Jaholatga qarshi ma’rifat” shiori ostida

Prezidentimiz Shavkat Mirziyoyevning 2020 yil 24 yanvardagi Oliy Majlisga Murojaatnomasi hamda dunyoda yuz berayotgan murakkab geosiyosiy va g‘oyaviy-mafkuraviy jarayonlarning mazmun-mohiyatini tushuntirish,  terrorizm, aqidaparastlik, “ommaviy madaniyat” kabi tahdidlarga qarshi samarali g‘oyaviy kurash olib borishga qaratilgan ma’naviy-ma’rifiy ishlarni kuchaytirish maqsadida Navoiy kon-metallurgiya kombinati bo‘linmalarida targ‘ibotchilar guruhi tomonidan “Jaholatga qarshi ma’rifat” shiori ostida targ‘ibot-tashviqot tadbirlari tashkil  etilmoqda.

Yaqinda Geologiya qidiruv ekspeditsiyasida bo‘lib o‘tgan tadbirda viloyat ichki ishlar boshqarmasining mafkuraviy targ‘ibot guruhi yetakchisi S.Hamroyev, O‘zbekiston musulmonlar idorasi viloyat vakilligi xodimi M.Rahmonov, O‘zbekiston Yoshlar ittifoqi viloyat Kengash bo‘lim boshlig‘i X.Yandashev, NKMK Ma’naviyat va ma’rifat markazi rahbari X.Raupov, Respublika Ma’naviyat va ma’rifat markazi Navoiy shahar bo‘limi rahbari S.Mavlonovlar chiqishlar qilishdi. Ular Prezidentimizning Oliy Majlisga Murojaatnomasida xalqimizning farovon turmush sharoitini ta’minlashga qaratilgan asosiy yo‘nalishlar to‘g‘risida to‘xtalib o‘tdi. Bugungi kundagi g‘oyaviy-mavkuraviy tahdidlar mazmun-mohiyati to‘g‘risidagi ma’ruzalar tadbir ishtirokchilarida katta qiziqish uyg‘otdi.

 NKMK Matbuot markazi.