• Yaratildi: 28.12.2020
• Yangilandi: 04.01.2021
• O'qildi: 1202

Sport va sog‘lomlashtirish tadbirlari

O‘zbekiston Respublikasi Prezidentining 2020 yil 30 oktyabrdagi “Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi farmoni ijrosini taʼminlash maqsadida har shanba kuni Navoiy kon-metallurgiya kombinati bo‘linmalarida ishchi-xodimlar ishtirokida sport va sog‘lomlashtirish tadbirlari o‘tkazilib kelinmoqda.

 Tadbirlar ishtirokchilari “Sog‘lom hayot uchun 5000 qadam” shiori ostida besh ming qadam yurishadi, badantarbiya mashg‘ulotlari bajarishadi, shuningdek, tosh ko‘tarish, yugurish, stritbol, shaxmat-shashka, mini-futbol, badminton va boshqa sport turlari bo‘yicha o‘zaro bellashadi.

  

26 dekabr kuni Navoiy shahridagi “So‘g‘diyona” o‘yingohi, Zarafshon shahrining “Qizilqum” o‘yingohi, Uchquduq shahridagi “Lochin” o‘yingohi, Zafarobod qo‘rg‘onidagi “Yangi xayot” sog‘lomlashtirish majmuasi, Samarqand viloyati Nurobod shahridagi “Mehnat” o‘yingohi, Zarkent qo‘rg‘onidagi “Konchi” madaniyat va sport majmuasi, Jizzax viloyati Marjonbuloq shaharchasidagi “Marjonbuloq” sport majmuasida bo‘lib o‘tgan navbatdagi sport va sog‘lomlashtirish tadbirlarida kombinat bo‘linmalari ishchi-xizmatchilari, yoshlar va xotin-qizlar vakillari faol ishtirok etishdi.

NKMK Matbuot markazi.