• Yaratildi: 09.03.2021
• Yangilandi: 09.03.2021
• O'qildi: 3679

O‘zbekistondagi “Muruntov” koni oltin qazib olish bo‘yicha jahonda yetakchi bo‘ldi

www.nuz.uz internet nashri xabar qilishicha, Kitco tahliliy markazi maʼlumotlariga ko‘ra, o‘tgan yil davomida “Muruntov” oltin konida taxminan 2 mln unsiya (56,7 tonna) oltin qazib olingan. Konning resurslari 150 mln unsiyadan (4 ming tonna) ortiqqa baholangan. Bu esa kon yaqin yillarda ham yetakchilikni qo‘ldan boy bermasligiga olib kelishi kutilmoqda.

Ikkinchi o‘rinda “Karlin” koni (AQSH) bo‘lib, uyerda 45,4 tonna (1,6 mln unsiya) oltin qazib olingan. Kuchli uchlikdan Rossiyaning “Olimpiada” koni yakunlab bergan. O‘tgan yilda mazkur konda 34 tonna oltin (1,2 mln unsiya) qazib olingan.

Kuchli o‘ntalikka Dominikan, Indoneziya, Avstraliya, Kongo, AQSH, Papua-Yangi Gvineya, Malidagi oltin konlari o‘rin olgan.

Manba: https://nuz.uz/uz/%d1%9ezbekiston/1193535-%d1%9ezbekistondagi-muruntov-koni-oltin-%d2%9bazib-olish-b%d1%9ejicha-zha%d2%b3onda-etakchi-b%d1%9eldi.html