• Yaratildi: 08.11.2021
• Yangilandi: 08.11.2021
• O'qildi: 1962

Faol sportchi oilalar aniqlandi

Navoiy shahridagi “Sug‘diyona” sport saroyida “11-noyabr – O‘zbekiston kasaba uyushmalari kuni” bayrami munosabati bilan Navoiy kon-metallurgiya kombinati va “NKMK jamg‘armasi” davlat muassasi ishchi-xodimlari va ularning oila aʼzolari o‘rtasida “Otam, onam va men – ahil sportchi oilamiz” sport musobaqasi bo‘lib o‘tdi.

Mazkur sport musobaqasida korxonalarning Navoiy, Zarafshon, Uchquduq, Nurobod shaharlari, Zafarobod, Zarkent, Marjonbuloq qo‘rg‘onlaridagi bo‘linmalarida mehnat qiladigan ishchi-xodimlaridan 15 ta oilaviy jamoa ishtirok etdi. Jamoalar qizg‘in bahslarda bir nechta qiziqarli shartlarni bajarib, o‘zaro kuch sinashdilar.

Yakuniy natijalarga ko‘ra, kombinatning Axborot-kommunikatsiya texnologiyalari boshqarmasidan Mirzayevlar oilasi musobaqada g‘oliblikni qo‘lga kiritishdi. “Muruntov” konidan Tursunboyevlar oilasi faxrli 2-o‘rin, Navoiy mashinasozlik zavodidan Salimovlar oilasi 3-o‘ringa sazovor bo‘lishdi.

Musobaqa g‘olibi va sovrindorlariga NKMK Kasaba uyushmasi Kengashi tomonidan qimmatbaho sovg‘alar topshirildi.

NKMK Matbuot markazi.