• Yaratildi: 11.11.2021
• Yangilandi: 11.11.2021
• O'qildi: 1001

“Yashil makon” umummilliy loyihasi kombinatda amalga oshirilmoqda

O‘zbekiston Respublikasi Prezidenti tomonidan yaqinda o‘tkazilgan videoselektor yig‘ilishida yashil maydonlarni kengaytirish, jumladan,  joylarda ekologik vaziyat va havo tozaligini yaxshilash borasida “Yashil makon” umummilliy loyihasini amalga oshirish yuzasidan muhim vazifalar belgilab berilgan edi.

Ayni kunlarda mamlakatimiz bo‘ylab ushbu loyiha keng ko‘lamda amalga oshirilmoqda. Ushbu ezgu tashabbus ko‘pming kishilik Navoiy kon-metallurgiya kombinati jamoasini ham bir maqsad yo‘lida birlashtirdi. Jumladan, kombinat bo‘linmalarida ko‘chat ekish ishlari qizg‘in pallaga kirdi.

Bugun, ertalab NKMK boshqarmasi hududida o‘tkazilgan ko‘chat ekish tadbirida ishchi-xodimlar, muhandis-texnologlar, yoshlar faol ishtirok etishdi. Bir kunda kombinat bo‘linmalari joylashgan hududlarga 1000 dan ortiq daraxt ko‘chatlari ekildi. Bunday xayrli ishlarni amalga oshirish davom etmoqda.

Shuni alohida taʼkidlash joizki, bu kabi xayrli ishlarni amalga oshirish o‘zimiz uchun ham, atrofdagilarimiz uchun ham har tomonlama foydalidir. Ertangi kunda bu nihollar havo tozaligini taʼminlaydi.

NKMK Matbuot markazi.