• Yaratildi: 13.11.2021
• Yangilandi: 24.11.2021
• O'qildi: 2302

Kasaba uyushmalari kuni keng nishonlandi

Ayni kunlarda kombinatning barcha mehnat jamoalarida “Yangi O‘zbekiston – yangi kasaba uyushmalari” ezgu g‘oyasi ostida O‘zbekiston kasaba uyushmalari kuniga bag‘ishlangan bayram tadbirlari bo‘lib o‘tmoqda.

13-noyabr kuni Navoiy shahridagi “Farhod” madaniyat saroyida ham soha fidoiylari ishtirokida xuddi shunday tadbir bo‘lib o‘tdi.

Tadbirda kombinat bosh direktori Q.Sanaqulov tabrigi tinglandi. Unda yurtimizda olib borilayotgan davlatimiz rahbari boshchiligida olib borilayotgan insonparvarlik siyosatining amaldagi natijalari, kombinat ishchi-xodimlarini ijtimoiy himoya qilish yo‘lida amalga oshirilayotgan ishlarda kasaba uyushmalarining faol ishtiroki alohida eʼtirof etildi.

Darhaqiqat, bugungi kunda 73 ming nafardan ortiq aʼzosi bo‘lgan NKMK kasaba uyushmasi Kengashi va uning bo‘linmalardagi  6 ta qo‘mitasi hamda 41 ta boshlang‘ich tashkilotlari zimmasiga olgan vazifalarni sobitqadamlik bilan bajarishda faol ishtirok etib kelmoqda. Ayni paytda Kasaba uyushmasi tomonidan kombinat bo‘linmalarida xavfsiz mehnat sharoitlarini taʼminlash, ishchilarning mehnat huquqlari va sog‘ligini himoya qilish, moddiy va madaniy turmush darajasini yaxshilash, Jamoa shartnomasida ko‘zda tutilgan barcha muhim vazifalarni amalga oshirishda faol ishtirok etib kelayotgani tahsinga munosibdir.

Tadbirda "Yilning eng faol yosh mutaxassisi" ko‘rik-tanlovining nominatsiyalari g‘oliblari diplom va qimmatbaho sovg‘alar, bir guruh soha ilg‘orlari "Kasaba uyushmalari kuniga 1 yil" esdalik ko‘krak nishoni, "NKMK faxriysi” unvoni va “Konchilik shuhrati” ko‘krak nishoni hamda faxriy yorliqlar, qimmatbaho sovg‘alar bilan taqdirlanishdi.

“Farhod” madaniyat saroyi sanʼatkorlari va badiiy jamoalari tomonidan tayyorlangan konsert dasturi barchaga manzur bo‘ldi.

NKMK Matbuot markazi.