• Yaratildi: 15.11.2021
• Yangilandi: 15.11.2021
• O'qildi: 2611

Kombinat vakili – mukofot sohibi

11-noyabr – O‘zbekiston kasaba uyushmalari kuni munosabati bilan Toshkent shahridagi Alisher Navoiy nomidagi O‘zbekiston Davlat akademik katta teatrida “Yangi O‘zbekiston – yangi kasaba uyushmalari” shiori ostida tantanali bayram tadbiri bo‘lib o‘tdi.

Tantanada taʼkidlanganidek, mamlakatimizda barcha sohalarda olib borilayotgan keng qamrovli islohotlarni qo‘llab-quvvatlash, mazkur islohotlarni hayotga tatbiq etishda faol ishtirok etayotgan fuqarolarni rag‘batlantirish, o‘z faoliyatida alohida yutuqlarga erishgan turli soha vakillarining mehnatini munosib taqdirlash maqsadida  “O‘zbekiston kasaba uyushmalari federatsiyasi laureati” mukofoti taʼsis etilgan. Tadbirda bir guruh soha vakillariga ushbu mukofot topshirildi.

Mazkur mukofotga sazovor bo‘lganlar orasida Navoiy kon-metallurgiya kombinati bosh geologining geoinformatsion texnologiyalar bo‘yicha o‘rinbosari Mirzo Isayev borligi o‘zgacha quvonch bag‘ishladi.

Hamkasbimizni ushbu mukofot bilan taqdirlanganligi munosabati bilan samimiy muborakbod etamiz!

NKMK Matbuot markazi.