• Yaratildi: 03.12.2021
• Yangilandi: 06.09.2022
• O'qildi: 1934

Yangi elektron dastur joriy etiladi

“NKMK” AJ boshqarmasi majlislar zalida videselektor ko‘rinishda bo‘linmalar rahbarlari, devonxonalar mudirlari, masʼul xodimlar ishtirokida ijro intizomini yanada takomillashtirish, xodimlarning kasbiy bilimlarini oshirish mavzusida o‘quv-seminari bo‘lib o‘tdi. O‘quv-seminarni kombinat bosh direktorining xodimlar va maʼmuriy masalalar bo‘yicha o‘rinbosari Q.Taparov boshqarib bordi.

Har bir subyektda ish samaradorligini namunali tashkil etishda ijro intizomi muhim o‘rin egallaydi. Faoliyatga yangicha tizim, zamonaviy axborot-kommunikatsiya texnologiyalarini tatbiq etish ish yuritish, hujjatlar ijrosi va nazorat etishni taʼminlaydi.

Tadbirda taʼkidlandiki, 2022-yildan boshlab kombinatda ijro intizomiga doir yangi tizim joriy etilishi mo‘ljallangan. U o‘zining muhim zamonaviy qulayliklariga ega. Bu, kelgan xat-xabarlarni qabul qilishdan boshlab uning yakuniy ijrosi va nazoratdan chiqarishgacha bo‘lgan jihatlarni yorqin ifoda etadi.

Mutaxassislar tomonidan seminarda yangi elektron dasturda ish yuritish, ijro nazoratini olib borish hamda nazorat kartochkalarini yuritilishi haqida seminar ishtirokchilariga amaliy misollar asosida va ko‘rgazmali vositalar yordamida keng tushuntirishlar berildi.

Seminar yakunida ishtirokchi xodimlar amaliyotda uchraydigan ayrim muammolar, jumladan, ijro intizomi bilan bog‘liq bo‘lgan masalalar yuzasidan o‘zlarini qiziqtirgan barcha savollarga javoblar olib, mutaxassis fikrini tinglashdi.

“NKMK” AJ matbuot xizmati.