• Yaratildi: 14.06.2022
• Yangilandi: 14.06.2022
• O'qildi: 480

Ezgulik albatta qaytadi

14-iyun – Xalqaro donorlar kuni. Har kuni dunyo bo‘yicha minglab insonlar donor qoniga ehtiyoj sezadi. Donorlik – odamlarga yaxshilik qilishning eng oddiy ko‘rinishi bo‘lib, ushbu beg‘araz, ko‘ngilli yordam qonga ehtiyoji bor insonlar uchun haqiqiy ko‘makdir. Donor qon topshirar ekan, kimningdir hayotini saqlabgina qolmay, o‘z sog‘ligini saqlashga ham erishadi. Chunki muntazam tibbiy ko‘rikdan o‘tib turish va qon tahlillarini topshirish, kishi salomatligi haqida maʼlumotga ega bo‘lib borishiga xizmat qiladi.

Mana shu kunda respublikamizning barcha hududlarida donorlik aksiyalari o‘tkaziladi. Ana shunday tadbirlardan biri Yoshlar oyligi davomida “NKMK” AJ Markaziy kon boshqarmasi Yoshlari yetakchilari kengashi tashabbusi bilan, “Ezgulik albatta qaytadi” shiori ostida donorlik xayriya aksiyasi bo‘lib o‘tdi. Ushbu aksiyada Markaziy kon boshqarmasi bo‘linmalarida faoliyat yuritayotgan  30 nafarga yaqin ishchi-xodim ishtirok etdi. Mazkur tadbirga Zarafshon shahar Qizil yarim oy jamiyati homiy sifatida taklif etildi.

Xalqaro donorlar kuni munosabati bilan aksiya ishtirokchilariga MKB Yoshlari yetakchilari kengashi va Qizil yarim oy jamiyati tomonidan sovg‘alar ulashildi. Mazkur aksiya yil davomida muntazam tashkil etiladi.

 “NKMK” AJ MKB Axborot xizmati.