• Yaratildi: 22.06.2022
• Yangilandi: 22.06.2022
• O'qildi: 2506

“OKMK” AJ vakillari “NKMK” AJ bo‘linmalarida bo‘lishdi

2022-yilning 20-21-iyun kunlari “Olmalik kon-metallurgiya kombinati” aksiyadorlik jamiyati vakillari – boshqaruv raisining raqamlashtirish bo‘yicha o‘rinbosari A.Azizov, IT-xizmatlar rahbarlari “Navoiy kon-metallurgiya kombinati” aksiyadorlik jamiyati bo‘linmalarida bo‘lishdi.

Jumladan, “OKMK” AJ vakillari “NKMK” AJ Axborot-kommunikatsiya texnologiyalari boshqarmasi rahbarlari bilan birgalikda “Muruntov”, “Dovgiztov” konlari va 2-, 5-gidrometallurgiya zavodlarida bo‘lib, kombinat korxonalarida ishlab chiqarish jarayonlarni raqamlashtirish bo‘yicha olib borilayotgan ishlar bilan yaqindan tanishdilar.  

Uchrashuv davomida raqamli texnologiyalarni rivojlantirishning istiqbolli yo‘nalishlari muhokama qilindi va korxonalar ishlab chiqarish jarayonlarida zamonaviy axborot-kommunikatsiya texnologiyalarni joriy etish bo‘yicha tajriba almashildi.  

“NKMK” AJ matbuot xizmati.