2019 yilning 21 dekabr kuni NKMK boshqarmasida korxona ishchi-xodimlari o‘rtasida o‘tkazilgan “Yilning eng yosh mutaxassisi” an’anaviy ko‘rik-tanlovi g‘olib va sovrindorlarini taqdirlash marosimi bo‘lib o‘tdi.

Ushbu tanlov kombinat bo‘linmalarida ishlaydigan iqtidorli yoshlarni aniqlash va har tomonlama yetuk mutaxassis bo‘lib kamol topishga bo‘lgan intilishlarini qo‘llab-quvvatlash, ularni rag‘batlantirish, kasbiy mahorati va bilim darajasini oshirish, tanlagan kasbiga hurmat va faxr tuyg‘usini yuksaltirishga qaratilgan.

Yakuniy natijalar quyidagicha bo‘ldi.

“Yilning eng yosh mutaxassisi” ko‘rik-tanlovi

nominatsiyalari g‘oliblari:

“Eng faol yosh konchi” – Janubiy kon boshqarmasi “Zarmitan” koni shaxta kon qazib olish uchastkasi boshlig‘i o‘rinbosari Akbar Usmonov.

“Eng faol yosh metallurg” – Markaziy loyihalashtirish byurosi texnologik guruhi muhandisi Sarvar Parmonov.

“Eng faol yosh mashinasoz” – Janubiy kon boshqarmasi Ta’mirlash-mexanika sexi muhandisi A’zam Ulug‘murodov.

“Eng faol yosh energetik” – Janubiy kon boshqarmasi Plastmassa quvurlari va mahsulotlarini ishlab chiqarish sexi energetigi Temur Islomov.

“Eng faol yosh dasturchi” – Shimoliy kon boqsharmasi 3-gidrometallurgiya zavodi innovatsion texnologiyalar bo‘limi guruh rahbari Feruz Rajabov.

“Eng faol yosh geolog” – Janubiy kon boshqarmasi “Zarmitan” koni shaxta yer osti ishlari kon qazib olish 1-uchastkasi geologi Sulton Ahmatov.

“Eng faol yosh loyihalashtiruvchi” – 5-kon boshqarmasi loyiha bo‘limi muhandisi Firuza Qurbonova.

“Eng faol yosh quruvchi” – 5-kon boshqarmasi kapital qurilish bo‘limi yetakchi muhandisi Diyorjon Hamidov.

“Eng faol yosh kimyogar” – Janubiy kon boshqarmasi fizik-kimyoviy dozimetrik nazorati va suv himoyasi laboratoriyasi muhandis-kimyogari Gullola Irisova.

“Eng faol yosh temiryo‘lchi” – Temir yo‘l sexi tijorat revizori Alisher Bobomurodov.

“Eng faol yosh transportchi” – Markaziy kon boshqarmasi 7-avtokorxona yoqilg‘i-energetika zaxiralari monitoringi byurosi boshlig‘i Zohidjon Shodiyev.

“Eng faol yosh madaniyat xodimi” – Zafarobod qo‘rg‘onidagi “Yoshlik” madaniyat va sport markazi zamonaviy raqs to‘garagi rahbari Jadira Turganbayeva.

“Eng faol yosh sport xodimi” – “So‘g‘diyona” jismoniy tarbiya va sport majmuasi “Oltin suv” suzish markazi murabbiy-o‘qituvchisi Daniil Tulupov.

“Eng faol yosh tibbiyot xodimi” – Zafarobod qo‘rg‘onidagi 5-tibbiy-sanitariya qismi umumiy amaliyot shifokori Tamara Po‘latova.

Tanlovning barcha g‘olib va sovrindorlariga diplom, faxriy yorliq va qimmatbaho sovg‘alar topshirildi.

NKMK Matbuot markazi.