1dekabr

“Kompramatuzb” telegram kanalida “Navoiy kon-metallurgiya kombinatiga qarashli “AUMINZO-AMANTAY” konida BELAZ 7513 avtosomasvali yonib ketdi, haydovchi kuyish jarohati olib vafot etdi” nomli postiga rasmiy munosabat.

Shuni maʼlum qilamizki, “Markaziy Amantoy” konida tog‘ jinslarni to‘kish uchun harakatlanayotgan vaqtida BelAZ rusumli og‘ir yuk ko‘taruvchi karyer avtoag‘dargichining old chap qismida yong‘in kelib chiqqan. Natijada avtoag‘dargich haydovchisi kuyish tan jaroxatini olgan va kasalxonaga yetkazilgan. Shifokorlarning ko‘rsatgan tibbiy yordami va muolajalariga qaramasdan, olgan jarohati natijasida xaydovchi vafot etgan.

O‘zbekiston Respublikasi Vazirlar Mahkamasining “Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bog‘liq boshqa hil zararlanishini tekshirish va hisobga olish to‘g‘risidagi Nizom”ga asosan maxsus tekshirish komissiyasi tuzilgan. Komissiya tomonidan oqibati o‘lim bilan tugagan baxtsiz hodisani surishtiruv ishlari olib borilayotganini maʼlum qilamiz. O‘rganish natijalari yuzasidan qo‘shimcha maʼlumot eʼlon qilinadi.

“NKMK” AJ Matbuot xizmati.