2022-yil 28-oktabr kuni Navoiy shahridagi “Farhod” madaniyat saroyida Navoiy kon-metallurgiya kombinati xodimlari kasaba uyushmasining 2017-2022-yillardagi hisobot-saylov Konferensiyasi bo‘lib o‘tdi.

Mazkur Konferensiyada “Navoiy kon-metallurgiya kombinati” AJ Boshqaruv raisi – Bosh direktori Q.Sanaqulov, NKMK xodimlari kasaba uyushmasi Kengashi raisi I.Rahmatov, O‘zbekiston kasaba uyushmalari Federatsiyasi raisi o‘rinbosari A.Xadjibayev hamda korxona bo‘linmalaridan saylangan vakillar ishtirok etdi.

281020222

Hisobot-saylov Konferensiyasi kun tartibida qator masalalar ko‘rib chiqildi. Jumladan, NKMK xodimlari kasaba uyushmasi Kengashi raisi I.Rahmatovning o‘tgan besh yilda amalga oshirilgan ishlar natijadorligi, Jamoa shartnomasida ko‘zda tutilgan vazifalar ijrosi, ishchi-xodimlarning ijtimoiy-iqtisodiy manfaatlari va mehnat sohasidagi huquqlarini himoya qilish, ularning salomatligini mustahkamlash va boshqa muhim yo‘nalishlarda bajarilgan ishlar xususidagi hisoboti tinglandi.

281020223

Shuningdek, NKMK xodimlari kasaba uyushmasi Kengashi nazorat-taftish komissiyasining 2017-2022-yillardagi hisoboti tinglandi. Konferensiyada Kengashning o‘tgan besh yillik davrdagi faoliyati, amalga oshirgan ishlari ijobiy baholandi.

281020224

Belgilangan tartibga muvofiq, Konferensiyada NKMK xodimlari kasaba uyushmasi Kengashi tarkibi va raisi saylab olindi. Shu jumladan, Isroil Rahmatov NKMK xodimlari kasaba uyushmasi Kengashi raisi etib qayta saylandi.

Konferensiyasi kun tartibiga muvofiq, NKMK xodimlari kasaba uyushmasi Kengashi nazorat-taftish komissiyasining aʼzolari ham saylab olindi.

“NKMK” AJ matbuot xizmati.