Mamlakatimizning yirik sanoat korxonalari va mahalliy ishlab chiqaruvchilar o‘rtasida tarmoqlararo sanoat kooperatsiyasi aloqalarini yanada kengaytirish maqsadida, joriy yilning 14-18-noyabr kunlari Toshkent shahridagi “O‘zekspomarkazi”da Respublika tarmoqlararo sanoat yarmarkasi o‘tkazildi.

Mazkur yarmarkada “Navoiy kon-metallurgiya kombinati” aksiyadorlik jamiyati 160 dan ortiq o‘z mahsulotlari va import tovarlar namunasi bilan ishtirok etdi. Jumladan, ushbu yarmarka doirasida kombinat tomonidan cooperation.uz portali orqali 57 ta mahalliy ishlab chiqaruvchilardan mahsulotlarni harid qilish bo‘yicha umumiy qiymati 465,2 mlrd so‘m bo‘lgan 167 ta hamkorlik shartnomalar tuzdi. Shunindek, kombinatda ishlab chiqarilgan mahsulotlarni realizatsiya qilish bo‘yicha 3 mlrd so‘mlik 10 ta shartnoma imzolandi.

Shuni alohida taʼkidlash kerakki, “NKMK” AJ yarmarka doirasida eng ko‘p shartnoma tuzgan tarmoq korxonasi deb eʼtirof etildi.

“NKMK” AJ matbuot xizmati.