Ishchi-xodimlarning xavfsizligini taʼminlash kombinatda muhim ahamiyat kasb etadi. Korxonadada xavfsiz mehnat sharoitlari taʼminlash bo‘yicha tizimli ishlar olib borilmoqda.

“NKMK” AJ Axborot-kommunikatsiya texnologiyalari boshqarmasi mutaxassislari tomonidan mehnat muhofazasi va xavfsizlik texnikasi bo‘yicha (tb.ngmk.uz) korporativ portal ishlab chiqildi va ishga tushirildi. Ushbu portalda kombinat ishchi-xodimlari mehnat muhofazasi sohasidagi meʼyoriy-huquqiy hujjatlar bilan tanishishlari, xavfsizlik qoidalariga rioya qilish bo‘yicha video qo‘llanmalarni ko‘rishlari, shuningdek, onlayn testdan o‘tish orqali o‘z bilimlarini sinab ko‘rishlari mumkin.

Mehnat muhofazasi va xavfsizlik texnikasi bo‘limlari xodimlari portal orqali tegishli avtomatlashtirilgan axborot tizimiga kirishlari mumkin. Mazkur portal kombinatning barcha mutaxassislari uchun qulay vositaga aylanadi, ularga mehnat muhofazasi va xavfsizlik texnikasi sohasidagi bilimlarini yangilash va mustahkamlashga yordam beradi.

“NKMK” AJ Matbuot xizmati.