6-dekabr kuni Navoiy shahridagi “NKMK tarixi” muzeyida O‘zbekiston Respublikasi Konstitutsiyasi qabul qilinganining 30 yilligi munosabati bilan bir guruh soha ilg‘orlariga “O‘zbekiston Konstitutsiyasining 30 yilligi” esdalik nishonini topshirishga bag‘ishlangan tadbir bo‘lib o‘tdi.

Tadbirda “Navoiy kon-metallurgiya kombinati” aksiyadorlik jamiyati, “NKMK jamg‘armasi” davlat muassasasi vakillari ishtirok etishdi.

“NKMK” AJ Boshqaruvi raisi – Bosh direktori Q.Sanaqulov o‘z tabrigida milliy mustaqilligimiz ramzi bo‘lgan Bosh qomusimizning yurtimiz ijtimoiy-siyosiy hayotidagi o‘rni va ahamiyati haqida o‘z fikr-mulohazalarini bildirdi.

Shundan so‘ng, “NKMK” AJ, “NKMK jamg‘armasi” DMdan bir guruh ilg‘orlarga “O‘zbekiston Konstitutsiyasining 30 yilligi” esdalik nishoni tantanali tarzda topshirildi.

Takʼidlash kerakki, “Navoiy kon-metallurgiya kombinati” aksiyadorlik jamiyatidan 43 nafar rahbar-xodim, turli soha vakillari esdalik nishoniga loyiq topildi.

“NKMK” AJ Matbuot xizmati.