2022-yil 20-dekabr kuni Navoiy mashinasozlik zavodida “Mahalliylashtirish dasturi ijrosi bo‘yicha kombinatda olib borilayotgan ishlar, qo‘lga kiritilgan natijalar va istiqboldagi rejalar” mavzusida navbatdagi matbuot anjumani bo‘lib o‘tdi.

Matbuot anjumanida “NKMK” AJ Xaridlarni tashkil etish va metodologiyasini takomillashtirish bosh boshqarmasi boshlig‘i Maʼrufjon Amonov, “NKMK” AJ Jamoatchilik bilan aloqalar bo‘yicha direktori Xolmamat Raupov, Navoiy mashinasozlik zavodi direktori Jahongir Hayitov, OAV vakillari va jurnalistlar ishtirok etishdi.

Mahalliylashtirish dasturini izchil tatbiq etish nafaqat valyuta mablag‘larini tejash, balki ishlab chiqarish hajmini oshirish, innovatsiya va nou-xaular, kapital qo‘yilmalar, shu jumladan to‘g‘ridan-to‘g‘ri chet el investitsiyalarini keng jalb etish, pirovard natijada yangi ish o‘rinlarini yaratish va aholi bandligini taʼminlash, aholining turmush darajasini yana-da yaxshilashga olib keladi. Birgina, 2008-2022-yillarda kombinatda 160 dan ortiq loyiha doirasida qariyb 1,5 mingga yaqin yangi mahsulotlar o‘zlashtirildi va 400 mln dollardan ortiq valyutani iqtisod qilingani buning isbotidir.

201220222

Shu maqsadda, kombinatda mahalliylashtirish dasturini faoliyatga tatbiq etishga alohida eʼtibor qaratilgan. Bu borada aniq dasturlar, yo‘l xaritalari ishlab chiqilib, yangi mahsulot turlarini o‘zlashtirish, kooperatsion aloqalar geografiyasini kengaytirish yildan-yilga rivoj topib bormoqda. Import o‘rnini bosuvchi tayyor mahsulotlar, butlovchi buyumlar, ehtiyot qismlar, xomashyo va materiallar ishlab chiqarish o‘zlashtirilmoqda.

Agar buni aniq raqamlar misolida keltiradigan bo‘lsak, birgina, 2022-yilda 167 ta loyiha bo‘yicha 550 mlrd so‘mlik mahalliylashtirilgan mahsulot ishlab chiqarildi. O‘zbekiston Respublikasi Prezidentining 2022-yil 24-yanvardagi “Respublikada ishlab chiqarishni rivojlantirish va sanoat kooperatsiyasini kengaytirishning samarali tizimini yaratish chora-tadbirlari to‘g‘risida”gi qaroriga asosan sanoat kooperatsiyasi doirasida mahalliy ishlab chiqaruvchilardan 4,8 trln so‘mlik mahsulotlar xarid qilindi. Mahalliylashtirishni oshirish evaziga importni qisqartirishning reja ko‘rsatkichlari bo‘yicha jami 47,2 mln dollar ekvivalentiga teng bo‘lgan 167 ta raqobatbardosh, import o‘rnini bosuvchi loyihalarda mahsulotlar ishlab chiqarildi.

201220224

Shuningdek, mazkur qaror doirasida 114 ta yangi va kengaytirilgan loyihalar bo‘yicha 31,3 mln dollarlik mahsulotlar ishlab chiqarish rejalashtirilgan bo‘lib, amalda 32,2 mln dollarlik mahsulotlar mahalliylashtirildi. Navoiy mashinasozlik zavodi quvvatini kengaytirilishi hisobiga 2022-yilda sharli tegirmon, yangi turdagi nasoslar hamda yangi turdagi dastgohlar ishlab chiqarish yo‘lga qo‘yildi. Misol uchun, joriy yilda import o‘rnini bosuvchi hajmi 163 kub metr bo‘lgan sharli tegirmon ilk bor Navoiy mashinasozlik zavodida ishlab chiqarildi.

Yil boshida kombinatda kooperatsiyani kengaytirish evaziga importni qisqartirish maqsadli ko‘rsatkichlari qariyb 54 mln dollarga yaqin import o‘rnini bosuvchi potensial ishlab chiqaruvchilar bilan xomashyo, butlovchi va ehtiyot qismlar o‘zlashtirish mo‘ljallangan edi. Hozirga qadar 51 mln dollarlik mahsulotlar o‘zlashtirilib, prognoz 104,3 foizga bajarildi. Yil yakuniga qadar esa ushbu ko‘rsatkichni 55,7 mln dollarga yetkazish rejalashtirilgan.

So‘nggi yillarda kombinatning ishlab chiqarish extiyojlari uchun mahalliy ishlab chiqaruvchilarning quvvatlarida kaustik soda, konveyer tasmasi, burg‘ulash uskunasi uchun ehtiyot qismlar, har xil turdagi filtrlar va gidravlik moylar va boshqa shu kabi mahsulotlar o‘zlashtirildi.

201220223

Kombinat tashabbusi bilan respublikada birinchi bo‘lib import o‘rnini bosuvchi mahsulotlarni o‘zlashtirish bo‘yicha “Shatakka olish” mexanizmi joriy etildi. Hozirda bu borada “Gidro Stanko Servis” MChJ, “Navpromlitmash” MChJ, “Aziya gormash” MChJ QK, “Karmana sharqona invest” MChJ, “Latem metall” MChJ korxonasi va boshqa shu kabi korxonalar bilan eʼtirofga arzigulik hamkorlik yo‘lga qo‘yildi.

“Navoiy KMK” AJ tomonidan yil davomida o‘tkazilgan hududiy yarmarkalar doirasida jami 2,7 trln so‘mlik 2 321 ta shartnoma imzolanib, import o‘rnini bosuvchi mahsulotlarni mahalliy korxonalarda o‘zlashtirish va kooperatsiya aloqalari asosida xarid qilish bo‘yicha ishlar amalga oshirilmoqda.

Matbuot anjumanida OAV vakillari va jurnalistlar savollariga atroflicha javob berildi.

“NKMK” AJ matbuot xizmati.