27-yanvar kuni “Navoiy kon-metallurgiya kombinati” aksiyadorlik jamiyati boshqarmasida kombinat rahbariyati va mutaxassislarining “SRK Consulting” xalqaro konsalting kompaniyasi vakillari bilan yakuniy uchrashuvi o‘tkazildi.

4 kun davomida “NKMK” AJ faoliyatini Oltin bo‘yicha butunjahon Kengashining Oltin ishlab chiqarishga masʼuliyatli yondashuv tamoyillari (“RGMP”) va Sianidlarga munosabat xalqaro kodeksi (“ICMC”)ga muvofiqlashtirish bo‘yicha “Yo‘l xaritasi”ni ishlab chiqish va amalga oshirish bo‘yicha umumiy strategiya muhokama qilindi.

Yakuniy uchrashuvda “SRK Consulting” kompaniyasi vakili Devid Pirs birinchi audit bo‘yicha oraliq hisobotga asoslanib, “NKMK” AJ faoliyatini xalqaro standartlarga muvofiqlashtirish bo‘yicha “Yo‘l xaritasi”ni tasdiqlash uchun zarur bo‘lgan harakatlarning asosiy yo‘nalishlarini taqdim etdi.

“NKMK” AJ Matbuot xizmati.