9-fevral – buyuk mutafakkir, so‘z mulkining sultoni Alisher Navoiy tavallud topgan kun. Buyuk shoir tavalludining 582 yilligi munosabati bilan “NKMK” AJ Shimoliy kon boshqarmasida ishchi-xodimlarning o‘zbek tili bo‘yicha savodxonligini oshirishga qaratilgan “Bobomdan merosimsan, ona tilim!” shiori ostida “Diktantlar tanlovi” o‘tkazilmoqda.

So‘nggi yillarda Navoiy kon-metallurgiya kombinatida davlat tilida ish yuritish bo‘yicha tizimli ishlar amalga oshirilmoqda. Jumladan, ishchi-xodimlarning davlat tilida ish yuritish bo‘yicha malakalarini oshirish maqsadida kombinat va Alisher Navoiy nomidagi Toshkent davlat O‘zbek tili va adabiyoti universiteti huzuridagi Davlat tilida ish yuritish asoslari va malaka oshirish markazi o‘rtasida o‘zaro hamkorlik yo‘lga qo‘yildi. Har yili mazkur markaz tomonidan tashkil etilgan o‘quv kurslarda yuzlab kombinat xodimlari lotin alifbosiga asoslangan o‘zbek tilining imlo qoidalari, davlat tilida ish yuritish bo‘yicha nazariy, amaliy ko‘nikmalarini oshirib kelmoqda.

080220238

Taʼkidlash kerakki, Uchquduqda joylashgan Shimoliy kon boshqarmasi o‘quv markazida tashkil etilgan malaka oshirish kursida kon boshqarmasining ishchi-xodimlari davlat tilida ish yuritish bo‘yicha o‘qitilmoqda. Kon boshqarmasining 19 ta bo‘lim va bo‘linmalarda faoliyat olib borayotgan ishchi-xodimlar o‘rtasida tashkil etilgan “Diktantlar tanlovi” g‘oliblari 9-fevral kuni aniqlanadi.

“NKMK” AJ Matbuot xizmati.