“Navoiy kon-metallurgiya kombinati” aksiyadorlik jamiyatida konlardan qazib olinadigan oltin maʼdanni qayta ishlash uchun gidrometallurgiya zavodlariga o‘z vaqtida va uzluksiz yetkazishda temir yo‘l transporti muhim o‘rin tutadi.

Bugungi kunda kombinatda 52 ta teplavoz, 818 ta vagon va boshqa temir yo‘l texnikalari hamda 379 kmlik po‘lat izlaridan keng foydalaniladi. Hususan, 2022-yilda temir yo‘l orqali 71 mln tonnadan ortiq maʼdan, 609 ming nafar yo‘lovchi tashildi.

140220232

Kombinatda temir yo‘l orqali yuk va yo‘lovchi tashish bo‘yicha ishlarning asosiy qismi 1,6 ming nafardan ortiq soha vakillari mehnat qilayotgan Markaziy kon boshqarmasi Temir yo‘l transporti boshqarmasi tomonidan amalga oshiriladi. Mahsulot ishlab chiqarishni ko‘paytirish maqsadida kombinatda yangi temir yo‘llar qurish, mavjud liniyalarni rekonstruksiya qilish, yuk hamda yo‘lovchi tashish transportini modernizatsiyalashga alohida eʼtibor qaratilmoqda.

13-fevral kuni Temir yo‘l transporti boshqarmasi parki 4 ta yangi, yuqori ish samaradorligiga ega teplovozga oshdi. “Transmashxolding” kompaniyasi tomonidan ishalb chiqarilgan zamonaviy teplovozlar “Yangi Zarafshon” temir yo‘l stansiyasiga yetib keldi.

140220231

Soha mutaxassislari taʼkidlaganidek, mazkur teplovozlar taʼmirlashning qulayligi, yoqilg‘i tejamkorlik ko‘rsatkichlari, uzoq muddat foydalanish, mashinistning hushyorligini nazorat qilish tizimining mavjudligi hamda mahalliy iqlim sharoitlariga mos keladigan texnik ko‘rsatkichlari bilan talablarga to‘liq javob beradi.

Korxona moddiy-texnika bazasini mustahkamlash, texnika parkini yangilash yo‘lida olib borilayotgan bu kabi ishlar qimmatbaho metall ishlab chiqarish hajmini oshirishga xizmat qiladi.

“NKMK” AJ Matbuot xizmati.