“Navoiy kon-metallurgiya kombinati” aksiyadorlik jamiyatida xodimlarning malakasini oshirishga zamonaviy yondashuvlarni joriy etish muhim ahamiyat kasb etadi.

Kombinat transformatsiyasi doirasida dolzarb masalalardan biri bu xodimlarni tizimli rivojlantirish uchun yangicha yondashuvlardan foydalanish. Shu munosabat bilan 2023-yil 21-22-fevral kunlari Navoiy shahridagi “NKMK” AJ O‘quv markazida Transformatsiya boshqarmasi tomonidan Boston Consulting Group (BCG) konsultantlari ishtirokida “Maqsadlarni belgilash va shaxsiy samaradorlik” va “Tashabbuslarni iqtisodiy baholash” mavzularida treninglar o‘tkazildi.

Treninglarning asosiy vazifasi ichki biznes jarayonlari haqida aniq tasavvurga ega bo‘lish, ishda ustuvor yo‘nalishlarni belgilash, maqsadlarga erishish uchun qadamlar ketma-ketligi hamda kombinat bo‘linmalari o‘rtasida o‘zaro va samarali hamkorlikni taʼminlashdan iboratdir. Treninglar interaktiv shaklda o‘tkazilib, har bir ishtirokchi hamkasblari bilan maʼlumot almashish hamda guruhlarda amaliy mashg‘ulotlar o‘tkazish imkoniyatiga ega bo‘ldi.

230220236

Ushbu treninglarning o‘ziga xosligi shundaki, endi har bir xodim ish joyidagi kompyuterda yoki ishdan bo‘sh vaqtida mobil qurilmasida treninglardan mustaqil ravishda o‘tishi mumkin. Xodimlarga mastaqil o‘rganish uchun treninglarning onlayn formati imkoniyati taqdim etiladi.

Kombinatda interaktiv formatda xodimlarining kasbiy salohiyatini yanada oshirishga qaratilgan amaliy ishlar davom etadi.

“NKMK” AJ Matbuot xizmati.