“Navoiy kon-metallurgiya kombinati” AJ vakillari O‘zbekiston Respublikasi Prezidenti huzuridagi Strategik islohotlar agentligi boshchiligidagi mamlakatimiz delegatsiyasi tarkibida 5-7-iyun kunlari Buyuk Britaniya poytaxtida London fond birjasi tomonidan har yilda o‘tkaziladigan Yevropa va Markaziy Osiyoning rivojlanayotgan mamlakatlari bo‘yicha 8-anjumanida ishtirok etmoqda.

O‘zbekiston va Buyuk Britaniyaning kompaniyalari o‘rtasida hamkorlikni mustahkamlash maqsadida o‘tkazilayotgan mazkur anjuman doirasida kombinat vakillari hamda xorijiy mamlakatning moliyaviy va professional xizmatlar sohasidagi kompaniyalar vakillari bilan ikki tomonlama uchrashuvlar o‘tkazilishi rejalashtirilgan.

060620232

Shuningdek, kombinat investitsion dasturini xorijiy banklar tomonidan moliyalashtirish masalalarini muhokama qilish maqsadida “NKMK” AJ vakillari Buyuk Britaniyaning qator moliyaviy institut va banklari, shu jumladan Standard Chartered Bank banki vakillari bilan ikki tomonlama muzokaralar olib borishi mo‘ljallangan.

“NKMK” AJ Matbuot xizmati.