Navoiy kon-metallurgiya kombinati Investitsiya dasturi doirasida yirik va strategik ahamiyatga ega investitsiya loyihalar bosqichma-bosqich amalga oshirilmoqda.

Ana shunday loyihalardan biri bo‘lgan Nurota tumani hududida joylashgan “Pistali” konida oltin tarkibli maʼdanlarni qazib olish va qayta ishlash majmuasi – 6-gidrometallurgiya zavodi qurilishini yakunlash va foydalanishga topshirish bo‘yicha keng ko‘lamli ishlar olib borilmoqda.

8-iyun kuni 6-gidrometallurgiya zavodining birinchi tegirmon bloki ishga tushirildi. Zavodning texnologik uskunalari va jihozlari Navoiy mashinasozlik zavodida ishlab chiqarilgan.

Zavod to‘liq quvvatda foydalanishga topshirilgach, yiliga 4 million tonna maʼdan qayta ishlanadi va mamlakatimiz iqtisodini rivojlantirishga xizmat qiladi.

“NKMK” AJ Matbuot xizmati.