Navoiy kon-metallurgiya kombinati oltiniga 1994 yilda dunyo bo‘yicha yuqori sifatli qimmatbaho metallar realizatsiyasi bilan shug‘ullanuvchi London oltin quymalari bozori Assotsiatsiyasi (LBMA – London Bullion Market Association) tomonidan “Optimal yetkazib berish” maqomi berilgan edi.

lbma_gold

“Optimal yetkazib beruvchi” maqomini har uch yilda bir marta tasdiqlash zarur. NKMK ana shunga muvaffaq bo‘lib kelayapti. NKMK mahsulotining bozor talablariga to‘liq muvofiqligi bo‘yicha navbatdagi sinovlardan muvaffaqiyatli o‘tganligini tasdiqlovchi sertifikat oxirgi marta 2019 yilda olingan edi.

lbma_gold2

2023 yil 26 iyun kuni London oltin quymalari bozori Assotsiatsiyasi NKMKning yuqori sifatli oltinni ishonchli yetkazib beruvchisi bo‘lgan “Optimal yetkazib beruvchi” maqomini yana bir bor tasdiqladi. Shuningdek, 2023 yil 19 iyun kuni audit, soliqqa tortish, konsalting va korporativ moliya sohasida xizmatlar ko‘rsatuvchi “Deloitte&Touche” xalqaro kompaniyasi tomonidan 2022 yil yakunlariga ko‘ra, NKMKga moliya-xo‘jalik faoliyatini sifatli olib borganligi uchun sertifikati berildi.