“NKMK” AJ transformatsiya dasturini amalga oshirish doirasida Transformatsiya boshqarmasi tomonidan kombinat xodimlari uchun “Uzluksiz takomillashtirish yondashuvini qo‘llash orqali biznes jarayonlarini optimallashtirish” mavzusida trening tashkil etildi.

Uzluksiz takomillashtirish yondashuvi XX asrning ikkinchi yarmida yapon kompaniyalari muvaffaqiyatining asosiy omili bo‘lib, bu dunyoning ko‘plab yetakchi kompaniyalari Yaponiya tajribasini moslashtirishga olib keldi. Ushbu yondashuvning asosiy tamoyillaridan biri to‘g‘ri yo‘lga qo‘yilgan jarayonlar orqali natijalarga erishishdir.

Treningda kombinatning ishlab chiqarish jarayonlari misolida uzluksiz takomillashtirish yondashuvining asosiy tamoyillari haqida so‘z yuritildi. Tadbir ishtirokchilari amaliy topshiriqlarni bajarib, kundalik faoliyati jarayonlarida bo‘lgan masalalar, ularni hal etish bo‘yicha takliflar muhokamasida qatnashdi.

“NKMK” AJ xodimlari malakasini oshirishning dolzarb masalalari bo‘yicha qisqa muddatli treninglar muntazam ravishda o‘tkazilishi rejalashtirilgan.

“NKMK” AJ Matbuot xizmati.