10-avgust kuni Toshkent shahrida O‘zbekiston Respublikasi Tog‘-kon sanoati va geologiya vazirligi tomonidan tashkil etilgan “NKMK” AJ va Osiyo taraqqiyot banki vakillarining uchrashuvi bo‘lib o‘tdi.

Mazkur uchrashuvda ESG (E – ekologiya, S – ijtimoiy soha, G – boshqaruv) sohasidagi dolzarb vazifalar va barqaror rivojlanish kun tartibi, shuningdek, ushbu vazifalarni hal qilish yo‘nalishlari muhokama qilindi. Uchrashuvda Osiyo taraqqiyot banki vakillari ESG masalalarining hozirgi holatini yaxshilashga qaratilgan grant asosidagi hamkorlik misollarini keltirdilar. Tomonlar yanada mazmunli o‘zaro hamkorlikni davom ettirishga va bank mutaxassislarini “NKMK AJ”ning ESG sohasidagi vazifalarini amalga oshirishga jalb etish bo‘yicha aniq vazifalarni belgilashga kelishib oldilar.

Osiyo taraqqiyot banki 1966-yilda tashkil etilgan bo‘lib, islohotlarni qo‘llab-quvvatlash, inklyuziv va bozor iqtisodiyotiga o‘tish borasidagi O‘zbekistonning eng yirik hamkorlaridan biri hisoblanadi.

“NKMK” AJ Matbuot xizmati.