“Navoiy kon-metallurgiya kombinati” AJda inson hayoti, sog‘ligi bilan bog‘liq bo‘lgan mehnat muhofazasi va xavfsizlik texnikasini taʼminlash muhim ahamiyat kasb etadi.

Kombinat ishchi-xodimlarining mehnat muhofazasi va xavfsizlik texnikasi talablariga rioya qilishdagi masʼuliyatini oshirish, bo‘linma va korxonalar jamoalarida mehnat muhofazasi muhitini yaxshilash hamda ishlab chiqarishda yuzaga kelishi mumkin bo‘lgan baxtsiz hodisalarning oldini olish maqsadida tizimli ishlar olib borilmoqda.

271020231 (1)

Xususan, joriy yilning mart oyidan boshlab kombinat bo‘linmalarida har chorak yakuni bo‘yicha bu borada yuqori natijaga erishgan hamda belgilangan ishlab chiqarish rejalarini 100 foizdan kam bo‘lmagan miqdorda bajargan mehnat jamoalarini rag‘batlantirish tartibi yo‘lga qo‘yildi. Ushbu tartibga muvofiq, “NKMK” AJ Mehnat muhofazasi va xavfsizlik texnikasi bosh boshqarmasining tavsiyasi asosida eng namunali mehnat jamoalarini 11 ta nominatsiya bo‘yicha mukofotlash amalga oshirilmoqda.

Yaqinda 2023-yilning 3-choragi yakunlari bo‘yicha natijalar eʼlon qilindi. Unga ko‘ra, eng yuqori natijalarni ko‘rsatgan 1-gidrometallurgiya zavodi energouchastkasi, “Muruntov” koni ekskavator brigadasi, “Sharqiy” koni burg‘ilash uskunasi brigadasi, 6-gidrometallurgiya zavodi nazorat-o‘lchov uskunalari va avtomatika uchastkasida mehnat faoliyatini olib borayotgan ishchi-xodimlar rag‘batlantirishga loyiq topildi.

271020232 (1)

Bundan asosiy maqsad ish joyida mehnat muhofazasi va xavfsizlik texnikasining muhim talablariga rioya qilish, ishlab chiqarishda yuzaga kelishi mumkin bo‘lgan baxtsiz hodisalar oldi olinishini taʼminlashga qaratilgan.

Suratlarda “Muruntov” koni ekskavator brigadasi va “Sharqiy” koni burg‘ilash uskunasi brigadasi aks ettirilgan.

“NKMK” AJ Matbuot xizmati.