“NKMK” AJ Мehnat muhofazasi va xavfsizlik texnikasi bosh boshqarmasi mehnat muhofazasi va xavfsizlik texnikasi bo‘yicha muhandisi lavozimiga ochiq tanlovni e’lon qiladi:

Nomzodga qo‘yiladigan talablar:

– oliy ixtisoslashtirilgan, texnik ma’lumotga ega mutaxassis va yer osti ishlarida mehnatni muhofaza qilish bo‘yicha ish tajribasiga ega bo‘lgan, belgilangan shakldagi mehnatni muhofaza qilish bo‘yicha sertifikatiga ega bo‘lgan muhandis.

Mehnat muhofazasi va xavfsizlik texnikasi bo‘yicha muhandis lavozimiga tayinlanadigan nomzod funktsional majburiyatlari doirasida quyidagilarni bilishi zarur:

– Qonunlar, Oliy Majlis palatalarining qarorlari, Prezidentning farmon va qarorlari, Vazirlar Mahkamasining qarorlari, O‘zbekiston Respublikasini texnik-iqtisodiy va ijtimoiy rivojlantirishning ustuvor yo‘nalishlarini belgilovchi normativ-huquqiy hujjatlarini;

– O‘zbekiston Respublikasining Mehnat kodeksini;

– O‘zbekiston Respublikasining “Mehnatni muhofaza qilish to‘g‘risida”gi qonunini;

– Ruda, noruda va sochma konlarni yer osti usullari bilan o‘zlashtirishda yagona xavfsizlik qoidalarini;

– Foydali qazilma konlarini ochiq usulda qazib olishda xavfsizlik qoidalarini;

– Ruda va konsentratlarni bo‘laklashda, foydali qazilmalarni yanchish, saralash, boyitishda ishlarni xavfsiz amalga oshirish qoidalarini;

– “Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bog‘liq boshqa xil zararlanishini tekshirish va hisobga olish to‘g‘risida”gi Nizomini;

– “Mehnat muhofazasi bo‘yicha o‘qishlarni tashkil qilish va bilimlarni sinash to‘g‘risida”gi namunaviy Nizomini;

– “Xodimlarga ularning mehnat vazifalarini bajarish bilan bog‘liq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli yetkazilgan zararni to‘lash qoidalarini tasdiqlash to‘g‘risida”gi qarorni;

– “Mehnat muhofazasi bo‘yicha ishlarni tashkil etish to‘g‘risida”gi namunaviy Nizomni;

– “Ish o‘rinlarining mehnat sharoitlari va asbob-uskunalarning jarohatlash xavfliligi yuzasidan attestatsiyadan o‘tkazish tartibi to‘g‘risida”gi Nizomni.

Ish sharoitlari:

– Mehnat kodeksi bo‘yicha bandlik;

– Ish haqqi darajasi “NKMK” AJ tarif setkasiga muvofiq.

Tanlovda ishtirok etish uchun nomzodlarning rezyumesi (ma’lumotnoma) to‘liq to‘ldirilgan va telefon raqamlari aniq ko‘rsatilgan holda elektron shaklda fe.urokov@ngmk.uz elektron pochtasiga vakansiya nomi ko‘rsatilgan holda yuborilishi lozim.

Tanlovda ishtirok etish uchun nomzodlarning rezyumesini qabul qilish muddati 2023-yil 30-noyabrdan 14-dekabrgacha.