“Navoiy kon-metallurgiya kombinati” AJda Mahalliylashtirish dasturi doirasida ishlab chiqariladigan mahsulot turlarini ko‘paytirish, mahalliy ishlab chiqaruvchilar bilan sanoat kooperatsiyasi aloqalarini yanada kengaytirish muhim ahamiyat kasb etadi.

2024-yilda Mahalliylashtirish dasturiga kiritilgan 905,4 mlrd so‘mlik 183 ta loyiha bajarilishini taʼminlash, sanoat kooperatsiyasi orqali mahalliy korxonalardan 6,1 trln so‘mlik mahsulotlarni xarid qilish mo‘ljallangan.

Joriy yilning yanvar oyida mazkur dastur doirasida 90,7 mlrd so‘mlik mahsulot ishlab chiqarilib, mahalliy ishlab chiqaruvchilardan 397,6 mlrd so‘mlik mahsulotlar xarid qilindi. Bu ko‘rsatkichlar mahalliylashtirish yo‘nalishida belgilangan vazifalar oshirib uddalanishidan dalolat berayapti.

“NKMK” AJ Matbuot xizmati.