“Navoiy kon-metallurgiya kombinati” AJda transport sohasi muhim ahamiyat kasb etadi. Kombinat bo‘linmalarida yo‘l-transport va muhandislik kommunikatsiyalar infratuzilmasini yaxshilash bo‘yicha investitsion loyihalar bosqichma-bosqich amalga oshirilmoqda.

Xususan, shu kabi investitsion loyiha asosida “Auminzo-Amantoy” koni hududida Markaziy kon boshqarmasining Avtomobil transporti boshqarmasiga qarashli “Auminzo-Amantoy” transport sexi ishga tushirildi. Sexda transport vositalarini taʼmirlash uchun zamonaviy asbob-uskunalar o‘rnatildi.

140320241

Ilgari kon avtoag‘dargichlarining joriy taʼmirlanishi, ularning texnik ko‘rigi ochiq maydonda, kapital taʼmirlash esa MKB Avtomobil transporti boshqarmasida amalga oshirilgan bo‘lsa, ayni vaqtda bu ishlar shu sexda bajarilmoqda. Har kuni 10 dan ortiq transport vositasiga texnik xizmat ko‘rsatilayapti.

140320242

Hozirgi kunda 800 nafarga yaqin muhandis-texnik xodim, ishchi va haydovchilar mehnat qilayotgan sexni joriy yilning birinchi yarim yilligi oxirida to‘liq ishga tushirish mo‘ljallanmoqda. 2023-yilda “Auminzo-Amantoy” konida 8 ta zamonaviy og‘ir yuk ko‘taruvchi avtoag‘dargichlar, yo‘l-qurilish mashinalari va mexanizmlari foydalanishga topshirildi.

“NKMK” AJ Matbuot xizmati.