Bugun Navoiy shahridagi 6-umumtaʼlim maktabida “NKMK” AJ Boshqaruv raisi – Bosh direktori Quvondiq Sanaqulovning muassasasada taʼlim olayotgan o‘quvchilarning ota-onalari, pedagoglar va mahalla fuqarolar yig‘inlari vakillari bilan uchrashuvi o‘tkazildi.

Uchrashuvda taʼkidlanganidek, maktab taʼlimi sohasidagi islohotlar nafaqat o‘qituvchi-murabbiylar, balki barcha darajadagi tashkilot va korxonalar rahbarlari, hokimlar, jamoatchilik, ota-onalarning ham muhim vazifasidir. Navoiy viloyati taʼlim-tarbiya, bitiruvchilarning oliy o‘quv yurtlarga kirishi reytingida oldingi o‘rinlarni egallab kelayapti. Bunda, barcha taʼlim dargohlari qatorida 6-umumtaʼlim maktabining ham munosib hissasi bor.

150320242

Bugungi kunda 140 nafar o‘qituvchi faoliyat olib borayotgan maktabda 1 672 nafar o‘quvchi taʼlim olmoqda. Bu dargoh taʼlim sifati bo‘yicha milliy reytingda respublikada 47-o‘rinda. 2023-yilda 11-sinf bitiruvchilarining 82 foizi oliy o‘quv yurtlariga o‘qishga kirgan bo‘lib, o‘quvchilar orasida 10 nafarga yaqin O‘zbekiston chempionlari, turli tanlov g‘oliblari yetishib chiqqan.

150320244

Uchrashuvda Quvondiq Sanaqulov tadbir ishtirokchilariga yurtimizda taʼlim sohasida olib borilayotgan keng ko‘lamli islohotlarning mazmun-mohiyatini tushuntirib, yoshlar o‘rtasida kitobxonlinki rivojlantirish, ularning tarbiyasida maktab, mahalla va oila hamkorligini taʼminlash zarurligi haqida to‘xtaldi.

Ochiq muloqot tarzida o‘tkazilgan uchrashuvda ota-onalarning ko‘plab savollariga javoblar berildi hamda taklif va fikr-mulohazalari tinglandi.

“NKMK” AJ Matbuot xizmati.