Mamlakatimiz bo‘ylab yashil maydonlarni kengaytirish bo‘yicha amalga oshirilayotgan “Yashil makon” umummilliy loyihasi doirasida Navoiy kon-metallurgiya kombinati bo‘linmalari va korxonalarida ishchi-xodimlar ko‘kalamzorlashtirish ishlarida faol qatnashmoqdalar.

Xususan, joriy yilning bahor mavsumida Navoiy mashinasozlik zavodi hududida korxona ishchi-xodimlari tomonidan manzarali daraxt ko‘chatlari va ligustrum butalari o‘tqazildi. Nihollarga tomchilatib sug‘orish tizimi orqali sug‘orish yo‘lga qo‘yilib, har bir ko‘chat agrotexnika talablari asosida parvarishlanmoqda.

200420243

Markaziy kon boshqarmasi “Auminzo-Amantoy” koni jamoasining obodonlashtirish, ko‘kalamzorlashtirish bo‘yicha olib borayotgan ishlari tahsinga munosibdir. Jamoa tashabbusi bilan 2021-yilda moʻjazgina issiqxona tashkil etilgan edi. Bugungi kunda bu yerda limon, mandarin ko‘chatlari parvarishlanib, ichki ehtiyoj uchun har xil turdagi gul nihollari yetishtirilmoqda. Bu ko‘chatlar hududlarga o‘tqazilib, bo‘linmalar ko‘rkiga ko‘rk bag‘ishlamoqda.

200420244

Joriy yilda Shimoliy kon boshqarmasi bo‘linmalarida 86 mingta cho‘l iqlimiga mos manzarali daraxt, saksovul va bo‘ta ko‘chatlarini o‘tqazish rejalashtirilgan. Bahor mavsumida olis cho‘l hududida yashil maydonlarni kengaytirish ishlari davom ettirilmoqda.

“NKMK” AJ Matbuot xizmati.