Bugun Tojikiston Respublikasining “TALKO Gold” kompaniyasining bir guruh vakillari Navoiy kon-metallurgiya kombinati faoliyati bilan tanishish, korxona mutaxassislari bilan o‘zaro tajriba alamashish maqsadida kombinatga tashrif buyurdi.

Dastlab kompaniya bosh direktori o‘rinbosari M.Jumazoda boshlchiligidagi delegatsiya Navoiy mashinasozlik zavodining yirik sexlarida bo‘ldi. Zavod direktori J.Hayitov ularni korxona ish jarayonlari va ishlab chiqarish quvvatlarini oshirish bo‘yicha olib borilayotgan amaliy ishlar bilan yaqindan tanishtirdi. Delegatsiya vakillari ishchi-xodimlar bilan suhbatlashdi.

250420245

Shuningdek, mehmonlar uchun Navoiy shahridagi “NKMK tarixi” muzeyiga ekskursiya tashkil etildi. Ekskursiya davomida ular kombinat tarixi, keyingi yillarda ishga tushirilgan yangi korxonalar hamda noyob tabiiy qazilmalarga boy Qizilqum zaminining qadimiy tarixi haqida so‘zlaydigan eksponatlar bilan tanishdilar.

250420246

Kombinatga tashrif doirasida delegatsiya vakillari Janubiy kon boshqarmasining Qo‘shrabot tumanidagi Zarkent qo‘rg‘onida joylashgan bo‘linmalariga borishi rejalashtirilgan.

“TALKO Gold” yopiq aksiyadorlik jamiyati – (TALKO) “Tojik alyuminiy kompaniyasi” ochiq aksiyadorlik jamiyati tarkibiga kiruvchi oltin ishlab chiqaruvi korxona. Korxona Tojikiston Respublikasining So‘g‘d viloyatida joylashgan bo‘lib, uning faoliyati yo‘nalishlari oltin tarkibli maʼdanlarni qazib olish va qayta ishlashdan iboratdir.

“NKMK” AJ Matbuot xizmati.