3-4-may kunlari Toshkent shahridagi O‘zbekiston kasaba uyushmalari saroyida “NKMK” AJ maʼmuriyati va kasaba uyushmasi Kengashi tashabbusi bilan Navoiy kon-metallurgiya kombinati madaniyat muassasalarining ijodiy jamoalari ishtirokida “Qizilqum javohirlari” nomli konsert dasturlari o‘tkazildi.

3-may kuni boʻlib oʻtgan konsertda “NKMK” AJ Boshqaruvi raisi – Bosh direktori Quvondiq Sanaqulov, O‘zbekiston xalq artisti Yodgor Saʼdiyev, taniqli olima, falsafa fanlari doktori, professor Jamila Shermuhammedovalar so‘zga chiqib, kombinat madaniyat muassasalarining vakillari va konsert ishtirokchilariga samimiy tabriklarini bildirishdi.

60520244

60520246

Konsertlarda Navoiy va Zarafshon, Uchquduq va Zafarobod, Nurobod va Zarkent shahar va qo‘rg‘onlaridagi “Farhod” madaniyat saroyi, “Oltin vodiy”, “Uchquduq”, “Nurobod”, “Konchi” madaniyat uylarida faoliyat ko‘rsatayotgan badiiy jamoalar, xushovoz xonandalar, klassik va zamonaviy qo‘shiq ijrochilarining chiqishlari namoyish etildi.

“NKMK” AJ Matbuot xizmati.