Yaqinda Toshkent shahridagi Inha universitetida O‘zbekiston ish beruvchilar uyushmasi tomonidan tashkil etilgan “Raqamlashtirish davrida yetakchilik va o‘zgarishlarni boshqarish” mavzusida xalqaro anjuman o‘tkazildi.

Mazkur anjumanda “NKMK” AJ Inson resurslarini rivojlantirish bo‘limi boshlig‘i Larisa Usmonova ishtirok etib, “O‘zbekistonda o‘zgarishlarni boshqarish: innovatsiyalar uchun imkoniyatlar” mavzusidagi panel muhokamasida maʼruza qildi.

200520244

– O‘zbekistonda o‘zgarishlarni boshqarish raqamli transformatsiya va raqamli iqtisodiyotga o‘tish masalalariga bog‘liq. Bu esa tashkilotlarni boshqarish tizimi, kompaniyalar tuzilmasi va madaniyatida o‘zgarishlarni talab etadi. Inson resurslari imkoniyatlari xodimlar o‘rtasida yangi vakolatlarni rivojlantirish, biznes jarayonlari samaradorligini oshirish va korxona xizmatlarini mijozlar ehtiyojlariga moslashtirishdan iboratdir, – deb taʼkidladi o‘z maʼruzasida L.Usmanova.

Anjuman davomida ishtirokchilar raqamli texnologiyalar va o‘zgarishlarning jadal rivojlanishi sharoitida xodimlarni boshqarishning eng samarali usullari va modellari bilan tanishib, muvaffaqiyatli raqamli transformatsiyada yetakchilikning roli va taʼsirini muhokama qilishdi.

“NKMK” AJ Matbuot xizmati.