Xalqaro amaliyot va transformatsiya maqsadlariga muvofiq, “NKMK” AJda loyiha boshqaruvi tizimini joriy etish bo‘yicha ishlar olib borilmoqda.

Loyiha boshqaruvi bu belgilangan natijalar va maqsadlarga erishish uchun vaqt va resurslar cheklovlari ostida keng ko‘lamli vazifalarni boshqarish usulidir.

Raqamli strategiya doirasida amalga oshirilayotgan loyihalar misolida tajriba yo‘nalishi sifatida loyiha boshqaruvi tizimiga start berildi.

Ushbu yo‘nalishda “BCG” kompaniyasi vakillari tomonidan Axborot-kommunikatsiya texnologiyalari boshqarmasi va Ishlab chiqarishni avtomatlashtirish boshqarmasi mutaxassislari uchun “Loyiha boshqaruvi asoslari va jarayonlari” mavzusida seminarlar o‘tkazildi.

Loyiha boshqaruvi tizimidan foydalanishning afzalliklari quyidagilardan iborat: loyihani amalga oshirish muddatini qisqartirish, kerakli natijalarni va loyihani amalga oshirish bo‘yicha dolzarb maʼlumotlarni onlayn tartibda olish, har bir loyiha jarayonini amalga oshirish uchun masʼullarni belgilash va uning ishtirokchilari o‘rtasidagi faol hamkorlik, hujjatlar shablonlari bo‘yicha maʼlumot tayyorlash.

Mazkur tizimini yanada tatbiq etish maqsadida “BCG” kompaniyasi vakillarining uslubiy ko‘magida loyihalarni boshqarish jarayonlarini tartibga soluvchi meʼyoriy hujjatlar ham ishlab chiqildi.

“NKMK” AJ Matbuot xizmati.