Barcha darajadagi xodimlar malakasini oshirish, zamonaviy raqamli yechimlar va ilg‘or jahon tajribasini joriy etgan holda kadrlarni rivojlantirish bo‘yicha uzluksiz ishlarni amalga oshirish “NKMK” AJning tashkiliy rivojlanish va mehnat unumdorligining muhim qismi hisoblanadi.

Kadrlar tayyorlash va malakasini oshirish tizimida belgilangan maqsadlarga erishish uchun 2024-yilning iyun oyidan boshlab o‘qitishning yangi formati – masofaviy o‘qitish tizimi ishga tushirildi.

Masofaviy o‘qitish tizimini joriy etishdan maqsad kadrlarning mustaqil o‘rganish darajasi va madaniyatini oshirish, barcha lavozimlardagi xodimlar uchun o‘quv dasturi ishtirokchilarining son jihatdan qamrovini oshirish, shuningdek, moslashuvchan o‘quv jadvali bo‘yicha bilim va ko‘nikmalarni oshirish imkoniyatini yaratishdan iboratdir. Ushbu tizim o‘tilgan materiallar bo‘yicha bilimlarni mustaqil tekshirish imkoniyati bilan dars mavzusini yanada samarali o‘zlashtirish imkonini beruvchi audio va video materiallar ko‘rinishidagi interfaol o‘quv vositalaridan foydalanishni nazarda tutadi.

Dastlabki 12 ta kursni ishlab chiqish “NKMK” AJ biznes-jarayonlarining ehtiyojlari va o‘ziga xos xususiyatlaridan kelib chiqqan holda amalga oshirildi.

12 ta onlayn kurslar quyidagi yo‘nalishlar bo‘yicha tajriba mavzulari sifatida joriy etildi:

1. “Korxonalarning ishlab chiqarish samaradorligi tahlili”

2. “Foydali qazilmalar konlarini ochiq usulda qazib olishda xavfsizlik qoidalari” mavzusida 6 moduldan iborat kompleks o‘quv modul dasturi

3. “Korrupsiyaga qarshi kurash bo‘yicha komplayens kursi”

4. “Vaqtni boshqarish”

5. “O‘zgarishlarni boshqarish”

6. “Yetakchilik”

7. “Samarali jamoani tuzish”

Kurslar o‘zbek va rus tillarida mavjud.

Kelgusida masofaviy o‘qitish tizimini kombinatning kadrlar tayyorlash tizimida keng joriy etish rejalashtirilgan.

“NKMK” AJ Matbuot xizmati.